.
नाशिक सायकलिस्ट आयोजित नासिक ते कामाख्या देवी मंदिर धारणगाव सायकल राईड चे आयोजन करण्यात आले होते. यात सुमारे सत्तर सायकलिस्टांनी सहभाग घेऊन प्रति गाणगापूर व कामाख्या देवी यांचे दर्शन घेतले.
निफाड सायकलिस्ट तर्फे कामाख्या देवी येथे काश्मीर ते कन्याकुमारी K2K राईड पूर्ण करणाऱ्या श्री चंद्रकांत नाईक, रविंद्र दुसाने सौ साधना दुसाने, अमित घुगे, सौ सीमा घुगे, सौ माधुरी गडाख, श्री दविंदर भेला, सौ अश्विनी कोंडेकर या सदस्यांचा सत्कार करण्यात आला. त्यांनी श्रीनगर ते कन्याकुमारी असा विविध राज्यातून ११ दिवसात ३८०० किमी अंतर सायकलिंग पुर्ण केले. महिला सबलीकरण , मजबुत भारत जनजागृती करण्यात आली. यात चार महिला दोन ज्येष्ठ व तीन सायकलिस्ट सहभागी झाले होते. श्री नाईक सर यांनी प्रवासादरम्यान आलेले अनुभव सांगितले. दिवसाला ३००-३५० किमीचे उद्दिष्ट ठेवलेले होते. तसेच उपस्थित सायकलिस्ट यांना अशी राईड करावी असे आवाहन केले. सर्वोपतरी मदत व मार्गदर्शन करण्यासाठी तयार असल्याचे सांगितले. देशातील विविध सायकलिस्ट सदस्य यांचे कडून ठिकठिकाणी मिळालेले सहकार्य व स्वागत याचाही उल्लेख केला. अनिश्चित प्रवास केल्यामुळेच निश्चित ठिकाणी पोहचता आल्याचे त्यांनी सांगितले.
तसेच निफाड सायकलिस्ट आयोजित वसंतोत्सव २०२६ चॅलेंजमध्ये विविध महापुरुष जयंती/पुण्यतिथी निमित्त आयोजित करण्यात आलेल्या सायकल राईड मध्ये सहभागी झालेल्या सायकलिस्टांचाही गौरव करण्यात आला.
राईड मध्ये नाशिक सायकलिस्ट फाउंडेशन:अध्यक्ष – श्री.अमित नारायण घुगे, उपाध्यक्ष – श्री.दविंदर सिंग भेला, संचालक – सौ. माधुरी गडाख, सौ.अश्विनी कोंडेकर,सौ.सीमा घुगे, श्री. कारभारी भोर, किशोर पवार, मंगलसिंग पाटील, सूर्यकांत आहेर, कैलास भागवत, अनिल राऊत असे अनेक ज्येष्ठ सायकलिस्ट तसेच
निफाड सायकलीस्टचे अध्यक्ष
श्री पांडुरंग कडवे, उपाध्यक्ष – श्री संदीप गवळी, सचिव दिपक बोरसे , संचालक दिपक घंगाळे, पुजा मगर, मनिषा वाघ, सदस्य प्रविण तनपुरे, अशोक कोल्हे, योगेश निफाडे, विष्णु सुरवाडे, गोरख शिंदे, अथर्व नकाते आदी उपस्थित होते. स्वागत संदीप गवळी तर प्रस्ताविक दिपक घंगाळे यांनी तर आभार अमित घुगे यांनी मानले अशी माहिती निफाड सायकलिस्टचे सदस्य श्री. प्रविण तनपुरे सर यांनी दिली.
