जयदीप भाई कवाडे यांच्या प्रमुख उपस्थितीत कार्यक्रम संपन्न
पाचगणी प्रतिनिधी : — पीपल्स रिपब्लिकन पक्षाचे राष्ट्रीय कार्याध्यक्ष तथा महाराष्ट्र लघु उद्योग विकास महामंडळाचे उपाध्यक्ष जयदीप भाई कवाडे यांच्या प्रमुख उपस्थितीत पाचगणी येथील शासकीय विश्रामगृहात पक्षातील विविध पदाधिकाऱ्यांची निवड करण्यात आली.
ही निवड पीपल्स रिपब्लिकन पक्षाचे राष्ट्रीय अध्यक्ष प्रा. जोगेंद्र कवाडे सर यांच्या मार्गदर्शनानुसार पार पडली. पक्ष संघटन अधिक बळकट करण्याच्या उद्देशाने या नियुक्त्या जाहीर करण्यात आल्या.
🟡 जाहीर करण्यात आलेल्या प्रमुख नियुक्त्या:
- वाई तालुका अध्यक्ष: विजय सातपुते (बोपर्डी)
- वाई तालुका उपाध्यक्ष: संतोष शेळके (मांढरदेव)
- तालुका संघटक: बापू सातपुते
- युवक तालुका कार्याध्यक्ष: आकाश गायकवाड
- युवक तालुका उपाध्यक्ष: रोहित कवळे
- राष्ट्रीय मजदूर सेना, सातारा जिल्हा उपाध्यक्ष: नित्यानंद मोरे
- राष्ट्रीय मजदूर सेना, वाई तालुका अध्यक्ष: चंद्रकांत रासकर
या कार्यक्रमाला पीपल्स रिपब्लिकन पक्षाचे युवक प्रदेश उपाध्यक्ष युवराज गोस्वामी, सातारा जिल्हाध्यक्ष युवराज कांबळे, युवक जिल्हाध्यक्ष अनमोल कांबळे, जिल्हा महासचिव प्रणित मोरे, तसेच राष्ट्रीय मजदूर सेना जिल्हा संघटक विकास जाधव यांच्यासह मोठ्या संख्येने पदाधिकारी व कार्यकर्ते उपस्थित होते.
कार्यक्रमात पक्ष संघटन मजबूत करणे, तळागाळात जनसंपर्क वाढवणे आणि कामगार चळवळ अधिक सक्रिय करण्यावर भर देण्यात आला.
