सातारा प्रतिनिधी :
कामगार आघाडी सातारा जिल्हा उपाध्यक्ष तथा लोकसेवक रूपेश भाऊ मिसाळ यांचा वाढदिवस यंदाही सामाजिक उपक्रमातून साजरा करण्यात आला. वेळे येथील करुणा मंदिर गोशाळेत हजारो गाईंना मोठ्या प्रमाणात चारा वाटप करून हा दिवस साजरा करण्यात आला.
उन्हाळ्यातील दुष्काळी परिस्थिती आणि चारा टंचाई लक्षात घेऊन गोशाळेतील गाईंना पुरेसा चारा उपलब्ध व्हावा या उद्देशाने हा उपक्रम राबविण्यात आला. मागील काही दिवसांपासून सोशल मीडियाच्या माध्यमातून शेतकऱ्यांना आवाहन करण्यात आले होते, त्याला प्रतिसाद देत वाई तालुक्यातील अनेक शेतकऱ्यांनी चारा उपलब्ध करून दिला.
गेल्या पाच वर्षांपासून हा उपक्रम सातत्याने राबविला जात असल्याचे आयोजकांनी सांगितले. यावर्षी मोठ्या प्रमाणात चारा उपलब्ध झाल्याने गोशाळेतील व्यवस्थापनाने समाधान व्यक्त केले.
कार्यक्रमास वाई पंचायत समिती सदस्य स्वप्निल भाई गायकवाड यांच्यासह अनेक मान्यवर उपस्थित होते. त्यांनी रूपेश भाऊ मिसाळ यांच्या उपक्रमाचे कौतुक करत, “गोमातेच्या सेवेसाठी असे उपक्रम समाजासाठी प्रेरणादायी आहेत,” असे मत व्यक्त केले.
या कार्यक्रमाला श्रीकांत बापू निकाळजे, बाजीगर इनामदार, शनि मिसाळ, सचिन मिसाळ, धर्मपाल मिसाळ, सागर कांबळे, अजित जाधव, सुरज कांबळे, विजय सातपुते, संजय मोरे यांच्यासह मोठ्या संख्येने ग्रामस्थ उपस्थित होते.
