| प्रतिनिधी
मुंबई..
देशातील प्रमुख खासगी बँकांपैकी एक असलेल्या HDFC बँकेसमोर नव्या वादाचे संकट उभे राहिले आहे. मीडिया रिपोर्टनुसार, बँकेच्या ऑडिट समितीने तब्बल 45 कोटी रुपयांच्या संशयास्पद व्यवहारप्रकरणी अंतर्गत चौकशी सुरू केली आहे.
या प्रकरणाची माहिती समोर आल्यानंतर शेअर बाजारातही त्याचा परिणाम दिसून आला. बुधवारी HDFC बँकेचे शेअर्स जवळपास 2 टक्क्यांनी घसरल्याची नोंद करण्यात आली.
बँकेतील काही आर्थिक व्यवहारांबाबत संशय व्यक्त करण्यात आल्याने ऑडिट समितीने तपास सुरू केल्याचे सांगितले जात आहे. मात्र या संदर्भात बँकेकडून अद्याप अधिकृत सविस्तर माहिती जाहीर करण्यात आलेली नाही.
या घडामोडींमुळे गुंतवणूकदारांमध्ये चिंता व्यक्त होत असून पुढील चौकशी अहवालाकडे सर्वांचे लक्ष लागले आहे.
