प्रतिनिधी
गो. से. महाविद्यालयासाठी अत्यंत अभिमानाची बाब ठरावी अशी यशस्वी कामगिरी महाविद्यालयाच्या NCC युनिटमधील कॅडेट्सनी केली आहे. विविध सुरक्षा दल आणि पोलीस विभागात महाविद्यालयातील कॅडेट्सची निवड झाल्याने संपूर्ण महाविद्यालयात आनंदाचे वातावरण निर्माण झाले आहे.
महाविद्यालयातील कॅडेट विशाल यादव यांची Assam Rifles मध्ये तर कॅडेट यश पाल यांची Territorial Army मध्ये निवड झाली आहे. तसेच महाराष्ट्र पोलीस दलामध्ये कॅडेट विशाल देशमुख यांची बुलढाणा पोलीस दलात, कॅडेट मिलिंद अनेकर यांची नागपूर पोलीस दलात आणि कॅडेट सचिन गायगोळ यांची मुंबई पोलीस दलात निवड झाली आहे.
या सर्व कॅडेट्सनी कठोर परिश्रम, शिस्त आणि जिद्दीच्या जोरावर हे यश संपादन केले असून त्यांच्या यशामुळे महाविद्यालयाच्या शिरपेचात मानाचा तुरा खोवला गेला आहे. विद्यार्थ्यांच्या या यशाबद्दल महाविद्यालयाचे प्राचार्य, प्राध्यापक, NCC अधिकारी तसेच पालकांनी आनंद व्यक्त केला आहे.
निवड झालेल्या कॅडेट्सचे अभिनंदन करताना “त्यांचे यश इतर विद्यार्थ्यांसाठी प्रेरणादायी ठरेल,” अशी भावना व्यक्त करण्यात आली. महाविद्यालयाच्या NCC युनिटमधून भविष्यातही असेच गुणवंत विद्यार्थी देशसेवेसाठी पुढे येतील, असा विश्वास व्यक्त करण्यात आला.
सर्व निवड झालेल्या कॅडेट्सचे हार्दिक अभिनंदन करण्यात येत असून त्यांच्या पुढील उज्ज्वल वाटचालीसाठी शुभेच्छांचा वर्षाव होत आहे.
