खारपाडा, पेण / पत्रकार कैलासराजे घरत
स्वामी समर्थ विश्वकल्याण केंद्र, आपटा फाटा संचालक ओमप्रकाश परांजपे सर यांच्या मार्गदर्शनाखाली अखिल भारतीय महिला परिषद – दादर माटुंगा शाखा आणि युवा फ्रेंड्स सर्कल फाउंडेशन यांच्या संयुक्त विद्यमाने पेण तालुक्यातील रा. जि. प. शाळा वडमाळवाडी येथे पाण्याच्या टाकीचा उद्घाटन व लोकार्पण सोहळा मोठ्या उत्साहात पार पडला.
“जॉय फुल गिव्हर्स” या सेवाभावी उपक्रमांतर्गत आयोजित करण्यात आलेल्या या कार्यक्रमाला प्रमुख पाहुण्या म्हणून मुंबई ब्रँच पेट्रन रेखा साळी मॅडम, दादर माटुंगा शाखेच्या अध्यक्षा डॉली अय्यम, उपाध्यक्षा श्यामल कुर्डुकर तसेच माजी विश्वस्त सुलक्षणा निमगावकर उपस्थित होत्या.
कार्यक्रमाची सुरुवात दीपप्रज्वलनाने करण्यात आली. यावेळी रेखा साळी यांच्या हस्ते छत्रपती शिवाजी महाराजांच्या प्रतिमेस पुष्पहार अर्पण करण्यात आला, तर डॉली अय्यम यांनी श्री स्वामी समर्थ महाराज यांच्या प्रतिमेस पुष्पहार अर्पण करून पूजन केले. श्रीफळ वाढवून कार्यक्रमाची विधिवत सुरुवात करण्यात आली.
यानंतर अध्यक्षा डॉली अय्यम यांच्या हस्ते पाण्याच्या टाकीचे पूजन करून टाकी सुरू करण्यात आली. हळद-कुंकू, अक्षता, निरंजन आणि अगरबत्तीने पूजन करत लोकार्पण सोहळा संपन्न झाला.
वडमाळवाडी शाळेत आदिवासी समाजातील गरीब व गरजू विद्यार्थी शिक्षण घेत असून पिण्याच्या पाण्याच्या टाकीअभावी विद्यार्थ्यांची मोठी गैरसोय होत होती. ही समस्या लक्षात घेऊन महाराष्ट्र भूषण पत्रकार व सामाजिक कार्यकर्ते कैलासराजे घरत यांनी पाठपुरावा करत अखिल भारतीय महिला परिषद व युवा फ्रेंड्स सर्कल फाउंडेशन यांच्या माध्यमातून पाण्याची टाकी, पाइपलाइन कनेक्शन आणि मोटार पंप व्यवस्था उपलब्ध करून दिली. त्यामुळे विद्यार्थ्यांच्या पिण्याच्या पाण्याची समस्या दूर झाली आहे.
यावेळी शाळेचे मुख्याध्यापक नरेंद्र भोईर यांनी संस्थांचे आभार व्यक्त करत पुढील सामाजिक वाटचालीस शुभेच्छा दिल्या. कार्यक्रमाचे आयोजन महाराष्ट्र भूषण सामाजिक कार्यकर्ते पत्रकार कैलासराजे घरत यांनी केले होते.
कार्यक्रमाचे सूत्रसंचालन मुख्याध्यापक नरेंद्र भोईर यांनी स्वागत गीतासह केले. उपस्थित मान्यवरांचे शाल व पुष्पगुच्छ देऊन स्वागत करण्यात आले.
या प्रसंगी माजी अध्यक्षा ललिता काशीकर, सहसंचालिका नेहा वेंगुर्लेकर, शारदा शिलवंत, पुष्पा भोसले, राजश्री सारदळ, योगिता निमकर, मीना अशोक जाधव, सामाजिक कार्यकर्ते मितेश पाटील, रोहिणी ठाकूर तसेच विद्यार्थी मोठ्या संख्येने उपस्थित होते.
कार्यक्रम यशस्वी होण्यासाठी शिक्षिका सौ. शालिनी नरेंद्र भोईर, स्कूल कमिटी अध्यक्षा अश्विनी रवींद्र वाघे, चंद्रभागा काशिनाथ पवार, नर्मदा वाघे तसेच महिला वर्ग, पालक वर्ग आणि ग्रामस्थांचे मोलाचे सहकार्य लाभले.
कार्यक्रमाचे उत्कृष्ट नियोजन मुख्याध्यापक नरेंद्र भोईर यांनी केले होते. शेवटी उपस्थितांचे आभार मानून कार्यक्रमाची सांगता करण्यात आली.
