गोंडपिपरी :
महाराष्ट्र शासनाच्या सार्वजनिक आरोग्य विभागामार्फत रविवार, दि. २८ जून २०२६ रोजी गोंडपिपरी येथे राष्ट्रीय पल्स पोलिओ लसीकरण मोहीम राबविण्यात आली. हिंदुहृदयसम्राट बाळासाहेब ठाकरे आपला दवाखाना तसेच नवीन बस स्थानक परिसरात ही मोहीम आयोजित करण्यात आली होती.
या मोहिमेअंतर्गत जन्मापासून ते पाच वर्षांपर्यंतच्या प्रत्येक बालकाला पोलिओ प्रतिबंधक लसीचे दोन थेंब पाजण्यात आले. बालकांचे आरोग्य सुरक्षित ठेवण्यासाठी आरोग्य विभागाच्या कर्मचाऱ्यांनी उत्स्फूर्त सहभाग घेत मोहीम यशस्वीरित्या पार पाडली.
यावेळी बूथ प्रमुख युवराज सोयाम, विनोद सातपुते, बूथ सदस्य अशोक केदार, मयूर नांदेडकर, अंगणवाडी सेविका इंदिरा चणकापुरे, आशा सेविका नरुले, कविता आसंगारी तसेच आपला दवाखान्यातील आरोग्य कर्मचाऱ्यांनी मोलाचे योगदान दिले.
दरम्यान, पर्यवेक्षक मुन्ना मेश्राम यांनी विविध केंद्रांना भेट देऊन मोहिमेची पाहणी केली तसेच शंभर टक्के लसीकरण पूर्ण करण्याच्या सूचना संबंधित कर्मचाऱ्यांना दिल्या.
