विद्याधाम प्रशाला, लोणी येथे सभागृहाचे भूमिपूजन आणि गुणवंतांचा सत्कार उत्साहात संपन्न

लोणी प्रतिनिधी

माजी विद्यार्थी विकास प्रबोधिनी लोणी व ग्रामपंचायत लोणी यांच्या सहकार्याने श्री भैरवनाथ विद्याधाम, लोणी येथे शाळेच्या समोरील प्रवेशद्वार व बहुउद्देशीय सभागृहाच्या बांधकामाचे भूमिपूजन तसेच गुणवंत विद्यार्थी आणि शिक्षकांचा सत्कार समारंभ शनिवार, दि. २७ जून २०२६ रोजी उत्साहात पार पडला.

सकाळी ९:३० वाजता झालेल्या या कार्यक्रमाचे उद्घाटन महसूल विभाग, महाराष्ट्र शासनाचे उपसचिव कैलास गायकवाड यांच्या हस्ते करण्यात आले. यावेळी पंचायत समिती सदस्या अंकिताताई वाळुंज, लोणी प्रशालेचे मुख्याध्यापक सुनिल थोरात, जिल्हा परिषद शाळेचे मुख्याध्यापक मुबीन मुंडे, माजी विद्यार्थी विकास प्रबोधिनी लोणीचे अध्यक्ष उदय वाळुंज, खजिनदार व उद्योजक बाळासाहेब गायकवाड तसेच पारगाव पोलीस स्टेशनचे कांडगे साहेब प्रमुख पाहुणे म्हणून उपस्थित होते.

शिक्षण आणि विकासावर भर

यावेळी बोलताना कैलास गायकवाड यांनी माजी विद्यार्थ्यांच्या सामाजिक बांधिलकीचे कौतुक केले. “शाळेचा पायाभूत विकास आणि विद्यार्थ्यांचे प्रोत्साहन एकत्रितपणे झाल्याने या उपक्रमाचे महत्त्व अधिक वाढले आहे,” असे ते म्हणाले.

कार्यक्रमात इयत्ता दहावी व बारावीमध्ये प्रावीण्य मिळवलेल्या विद्यार्थ्यांसह त्यांना घडवणाऱ्या शिक्षकांचा शाल, श्रीफळ आणि सन्मानचिन्ह देऊन गौरव करण्यात आला.

ग्रामस्थांची मोठी उपस्थिती

या कार्यक्रमाला पोलीस पाटील संदीप आढाव, उपसरपंच राजेंद्र वाळुंज, ग्रामपंचायत सदस्य महिला भगिनी, शरद बँक संचालक अशोक आदक पाटील, माजी सरपंच दिलीप वाळुंज, सेवानिवृत्त पोलीस अधिकारी प्रकाश वाळुंज, जनकल्याण पतसंस्थेचे अध्यक्ष ज्ञानेश्वर वाळुंज, बाळशिराम वाळुंज, चंद्रकांत गायकवाड, अरुण साकोरे, पिंटू पडवळ, सुधीर सोनार, अनिकेत नाईक यांच्यासह शाळेचे शिक्षकवृंद, शालेय व्यवस्थापन समिती, पालक, पत्रकार आणि माजी विद्यार्थी मोठ्या संख्येने उपस्थित होते.

कार्यक्रमाचे सूत्रसंचालन शिक्षक दाते सर यांनी केले तर आभार प्रदर्शन माजी विद्यार्थी विकास प्रबोधिनीचे अध्यक्ष उदयसिंह वाळुंज पाटील यांनी केले.