पाटण | प्रतिनिधी
पाटण तालुक्यातील नारळवाडी गावच्या रहिवासी शितल प्रवीण चव्हाण यांचा राजर्षी छत्रपती शाहू महाराज जयंतीनिमित्त पुणे येथील गणेश कला क्रीडा मंच येथे आयोजित विशेष कार्यक्रमात सन्मान करण्यात आला.
छत्रपती शाहू महाराज संशोधन, प्रशिक्षण आणि मानव विकास संस्था (SARTHI) तर्फे आयोजित या कार्यक्रमाला मुख्यमंत्री देवेंद्र फडणवीस तसेच उपमुख्यमंत्री सुनेत्रा पवार यांची प्रमुख उपस्थिती होती. यावेळी मंत्रालय, मुंबई येथे सहाय्यक कक्ष अधिकारी म्हणून कार्यरत असलेल्या शितल प्रवीण चव्हाण यांचा गौरव करण्यात आला.
नारळवाडी गावातील कन्येचा राज्यस्तरीय सन्मान झाल्याने परिसरात आनंदाचे वातावरण निर्माण झाले आहे. या सन्मानाबद्दल शितल चव्हाण तसेच प्रवीण चव्हाण यांनी महाराष्ट्र शासन आणि ‘सार्थी’ संस्थेचे आभार मानले.
या यशामुळे चव्हाण कुटुंबासह गावकऱ्यांनीही आनंद व्यक्त केला असून, शितल चव्हाण यांच्या पुढील वाटचालीस शुभेच्छांचा वर्षाव होत आहे.
