इंदापूर | प्रतिनिधी
संजयनगर येथील जिल्हा परिषद प्राथमिक शाळेत बुधवारी (दि. २२ जुलै २०२६) शासकीय परिपत्रकानुसार लोकनेते स्व. अजितदादा पवार यांच्या जयंतीनिमित्त अभिवादन कार्यक्रम उत्साहात पार पडला.
कार्यक्रमाची सुरुवात स्व. अजितदादा पवार यांच्या प्रतिमेचे पूजन व पुष्पहार अर्पण करून करण्यात आली. यावेळी शाळा व्यवस्थापन समितीचे अध्यक्ष अभिजित थोरात, सदस्य नंदकिशोर सपकळ, छत्रपती कारखान्याचे माजी संचालक भाऊसाहेब सपकळ, मुख्याध्यापक महावीर ठोंबरे, शिक्षिका तेजस्विनी पवार, शिक्षक अनिल घोळवे तसेच अंगणवाडी सेविका गौरी सपकळ उपस्थित होते.
याप्रसंगी भाऊसाहेब सपकळ आणि अनिल घोळवे यांनी स्व. अजितदादा पवार यांच्या लोकहितकारी कार्याचा व समाजासाठी दिलेल्या योगदानाचा गौरव करत त्यांना विनम्र अभिवादन केले.
कार्यक्रमाच्या शेवटी मुख्याध्यापक महावीर ठोंबरे यांनी उपस्थितांचे आभार मानले.
