प्रतिनिधी
पाथरी:-शिवसेना (उद्धव बाळासाहेब ठाकरे) पक्षाच्या परभणी जिल्ह्यातील संघटनात्मक बांधणीसाठी जिल्हा संपर्कप्रमुख प्रदिपकुमार खोपडे यांचा २ दिवसांचा दौरा आयोजित करण्यात आला आहे. हा दौरा पाथरी आणि जिंतुर विधानसभा मतदारसंघातील रिक्त पदाधिकारी पदांच्या नियुक्तीच्या अनुषंगाने होणार असल्याची माहिती शिवसेना जिल्हाप्रमुख रविंद्र धर्मे यांनी प्रसिद्धीपत्रका व्दारे दिली आहे.
शिवसेना परभणी जिल्हाप्रमुख रविंद्र धर्मे यांनी ३१ जुलै रोजी दिलेल्या पत्रकानुसार, हा दौरा १ आणि २ ऑगस्ट २०२६ रोजी होणार आहे.
शनिवार १ ऑगष्ट रोजी जिंतुर सकाळी ११ वा. संपर्क कार्यालय, जिंतुर परभणी ग्रामीण दुपारी २ वा. मा. आ. मिराताई रेंगे यांचे निवासस्थान, परभणी
रविवार २ ऑगष्ट रोजी सोनपेठ सकाळी ११ वा. शिवसेना संपर्क कार्यालय, सोनपेठ. दुपारी २ वाजता पाथरी/मानवत शासकीय विश्रामगृह, पाथरी.
या दौऱ्यात जिल्हा संपर्कप्रमुख प्रदिपकुमार खोपडे यांच्यासोबत आ. डॉ. राहुल पाटील, माजी आ. सौ. मिराताई रेंगे, पाथरी विधानसभा प्रमुख कल्याणराव रेंगे, जिंतुर विधानसभा प्रमुख रामनाना खराबे, सहसंपर्कप्रमुख पाथरी प्रा. डॉ. पंढरीनाथ धोंडगे आणि सहसंपर्कप्रमुख जिंतुर गंगाप्रसाद घुगे उपस्थित राहणार आहेत.
जिल्हाप्रमुख रविंद्र धर्मे यांनी सर्व उपजिल्हाप्रमुख, तालुकाप्रमुख, शहरप्रमुख, तालुका संघटक, उपतालुका प्रमुख, उपशहर प्रमुख, सर्कल प्रमुख, उपसर्कल प्रमुख, माजी-आजी जि.प. सदस्य, पं.स. सदस्य, शाखा प्रमुख आणि बुथ प्रमुखांना या बैठकींना उपस्थित राहण्याचे आवाहन केले आहे.
पाथरी आणि जिंतुर मतदारसंघातील पक्ष संघटना अधिक मजबूत करणे आणि रिक्त असलेली पदे भरणे हा या दौऱ्याचा मुख्य उद्देश असल्याचे पत्रकात म्हटले आहे.
