मुंबई : दापोली तालुक्यातील पद्मश्री पुरस्कारविजेते भिकू रामजी इदाते यांना टाटा सामाजिक विज्ञान संस्थेच्या (TISS) मुंबई कॅम्पसमध्ये १५ ऑगस्ट २०२६ रोजी होणाऱ्या स्वातंत्र्यदिन ध्वजारोहण सोहळ्यासाठी प्रमुख पाहुणे म्हणून निमंत्रित करण्यात आले आहे.
TISSचे विद्यार्थी व्यवहार विभागाचे अधिष्ठाता प्रा. एम. मारियप्पन यांनी ५ ऑगस्ट २०२६ रोजी अधिकृत पत्राद्वारे श्री. इदाते यांचे निमंत्रण स्वीकारल्याबद्दल आभार व्यक्त केले आहेत. त्यांच्या सामाजिक क्षेत्रातील प्रदीर्घ योगदानाचा आणि समाजहितासाठी केलेल्या कार्याचा गौरवही या पत्रातून करण्यात आला आहे.
सकाळी ९ वाजता राष्ट्रीय ध्वजारोहणाने कार्यक्रमाची सुरुवात होणार असून, त्यानंतर उद्घाटन सत्र आणि सांस्कृतिक कार्यक्रम आयोजित करण्यात आला आहे.
दापोली तालुक्यातील व्यक्तीला देशातील नामांकित सामाजिक विज्ञान संस्थेच्या स्वातंत्र्यदिन सोहळ्यात प्रमुख पाहुणे म्हणून सन्मान मिळणे ही दापोली तालुक्यासाठी निश्चितच अभिमानाची आणि गौरवाची बाब आहे.
