बांबवडे प्रतिनिधी :
NEET-UG 2026 परीक्षेत उत्कृष्ट यश संपादन केल्याबद्दल कुडीत्रे (ता. करवीर, जि. कोल्हापूर) येथील वेदांत शुभांगी सुनिल लोहार याचा लोहार परिवार बांबवडे (ता. शाहूवाडी) यांच्या वतीने विशेष सत्कार समारंभ आयोजित करून त्याला पुढील वाटचालीस हार्दिक शुभेच्छा देण्यात आल्या.
वैद्यकीय क्षेत्रात प्रवेश मिळवण्यासाठी अत्यंत कठीण समजल्या जाणाऱ्या NEET-UG परीक्षेत वेदांतने आपल्या कठोर परिश्रमाने आणि जिद्दीच्या जोरावर हे यश संपादन केले आहे.
त्याच्या या यशाबद्दल कुटुंबीय व ग्रामस्थांमधून अभिनंदन केले जात आहे.
याप्रसंगी बोलताना राज्य व राष्ट्रीय पुरस्कार सन्मानित माजी केंद्र प्रमुख डॉ. रामचंद्र दादोबा लोहार (पिशवीकर) म्हणाले, “वेदांतने मिळवलेले यश हे केवळ त्याच्या कुटुंबासाठीच नव्हे, तर संपूर्ण लोहार परिवारासाठी अत्यंत अभिमानास्पद आहे. त्याच्या या मेहनतीचे फलित म्हणून त्याला हे यश मिळाले असून वैद्यकीय क्षेत्रात उत्तम कामगिरी करून तो समाजाची सेवा करेल,” असा विश्वास त्यांनी व्यक्त केला.
या सत्कार प्रसंगी लोहार परिवारातील सदस्य, नातेवाईक आणि ग्रामस्थ उपस्थित होते. सर्व उपस्थितांनी वेदांतला त्याच्या भावी शैक्षणिक व वैद्यकीय प्रवासासाठी उदंड शुभेच्छा दिल्या.
शुभेच्छुक:
डॉ. रामचंद्र दादोबा लोहार (पिशवीकर)
M.A., B.Ed., D.Litt.
राज्य व राष्ट्रीय पुरस्कार सन्मानित
माजी केंद्र प्रमुख
व लोहार परिवार, बांबवडे (ता. शाहूवाडी)
