आळंद, ता. फुलंब्री : मराठा समाजाला आरक्षण मिळावे, या मागणीसाठी तसेच मराठा आरक्षण आंदोलनाचे नेते मनोज जरांगे पाटील यांच्या आंदोलनाला पाठिंबा देण्यासाठी आळंद येथे सकल मराठा समाजाच्या वतीने रास्ता रोको आंदोलन करण्यात आले.
या आंदोलनात सुमारे २०० मराठा समाजबांधव सहभागी झाले होते. आंदोलकांनी मराठा आरक्षणाच्या मागणीसाठी जोरदार घोषणाबाजी करत शासनाचे लक्ष वेधले. तसेच मनोज जरांगे पाटील यांच्या आंदोलनाला पूर्ण पाठिंबा असल्याचे यावेळी सांगण्यात आले.
“मराठा समाजाला आरक्षण मिळालेच पाहिजे” अशा घोषणा देत आंदोलकांनी काही काळ रस्ता रोखून धरला. त्यामुळे परिसरातील वाहतुकीवर काही काळ परिणाम झाला.
मराठा आरक्षणाचा प्रश्न शासनाने गांभीर्याने घेऊन समाजाच्या मागण्या तातडीने मान्य कराव्यात, अशी मागणी आंदोलकांनी केली.
प्रतिनिधी, सिल्लोड
