पुणे जिल्हा प्रतीनिधी अविनाश घोगरे
शिरूर : शिरूरच्या शिरपेचात आणखी एक मानाचा तुरा रोवला गेला आहे. Duncan Engineering Limited येथे Manager – HR, Industrial Relations & Administration म्हणून कार्यरत असलेले सचिन एन. जाधव यांना प्रतिष्ठेचा ‘महाराष्ट्र राज्यस्तरीय HR & IR Excellence Award 2026’ प्रदान करण्यात आला. HR आणि Industrial Relations Functions या श्रेणीतील उल्लेखनीय योगदानाबद्दल त्यांचा राज्यस्तरावर गौरव करण्यात आला आहे. पुण्यातील सनीज वर्ल्ड येथे ५ सप्टेंबर रोजी शिक्षक दिनानिमित्त आयोजित करण्यात आलेल्या ‘Maharashtra Education & Corporate Awards 2026’ या दिमाखदार सोहळ्यात महाराष्ट्राचे उच्च व तंत्रशिक्षणमंत्री चंद्रकांत पाटील यांच्या हस्ते सचिन जाधव यांनी हा पुरस्कार स्वीकारला. या पुरस्काराचे विशेष महत्त्व म्हणजे, राज्यभरातून १,८०० हून अधिक HR व्यावसायिकांची नामांक प्राप्त झाली होती. त्यातून केवळ १५ HR व्यावसायिकांची राज्यस्तरीय पुरस्कारासाठी निवड करण्यात आली. या मानाच्या निवडक यादीत सचिन जाधव यांचा समावेश झाला असून, त्यांच्या कार्याची राज्यस्तरावर दखल घेण्यात आली आहे.
सचिन जाधव यांनी HR व्यवस्थापन, औद्योगिक संबंध, कर्मचारी कल्याण, प्रशासन, मनुष्यबळ विकास, भरती प्रक्रिया, वैधानिक अनुपालन आणि संस्थात्मक विकास या विविध क्षेत्रांत सातत्यपूर्ण योगदान दिले आहे. कर्मचारी-केंद्रित HR व्यवस्थापनासोबतच औद्योगिक संबंध अधिक सक्षम करण्यासाठी त्यांनी केलेल्या कार्याला या पुरस्काराच्या माध्यमातून विशेष मान्यता मिळाली आहे.
‘Maharashtra Education & Corporate Awards 2026’ या सोहळ्याला शिक्षण आणि उद्योग क्षेत्रातील १,२०० हून अधिक मान्यवरांची उपस्थिती होती. शिक्षण, उद्योग, कौशल्य विकास, महिला सक्षमीकरण तसेच उद्योग-शैक्षणिक संस्थांमधील सहकार्य या विषयांवर कार्यक्रमात विशेष भर देण्यात आला.
सचिन जाधव यांच्या या उल्लेखनीय यशाबद्दल Duncan Engineering Limited चे व्यवस्थापन, सहकारी, मित्रपरिवार आणि विविध क्षेत्रांतील मान्यवरांकडून त्यांच्यावर अभिनंदनाचा वर्षाव होत आहे. त्यांच्या या राज्यस्तरीय सन्मानामुळे शिरूरच्या HR क्षेत्राची राज्याच्या पटलावर ठळक नोंद झाली असून, युवा व्यावसायिकांसाठीही हे यश प्रेरणादायी ठरले आहे.
