बालगोपालांचा उत्स्फूर्त सहभाग; विविध स्पर्धांनंतर बक्षीस वितरण
देवळी : प्रतिनिधी प्रमोद मडावी
वर्धा जिल्ह्यातील देवळी तालुक्यातील तांभा येथे तान्हा पोळा उत्सव मोठ्या उत्साहात साजरा करण्यात आला. या उत्सवाला गावातील नागरिक, बालगोपाल तसेच ग्रामस्थांनी मोठ्या संख्येने उपस्थिती लावली.
तान्हा पोळ्यानिमित्त विविध उपक्रम व स्पर्धांचे आयोजन करण्यात आले होते. यामध्ये सहभागी झालेल्या बालगोपालांना प्रोत्साहन देण्यासाठी विजेत्यांना बक्षीस वितरण करण्यात आले. बक्षिसांमुळे मुलांमध्ये उत्साहाचे वातावरण निर्माण झाले होते.
या कार्यक्रमाला पोलीस पाटील पराग ठाकरे, पत्रकार प्रमोद मडावी, सरपंच आशिष येंडे, सचिन ठाकरे, अरविंद हजारे, कोतवाल, उपसरपंच योगेश येंडे, डॉ. रमेश ठाकरे, प्रवीण नाकले यांच्यासह ग्रामस्थ व नागरिक मोठ्या संख्येने उपस्थित होते.
गावकऱ्यांच्या उत्स्फूर्त सहभागामुळे तान्हा पोळा उत्सव आनंदी व उत्साहपूर्ण वातावरणात पार पडला. पारंपरिक संस्कृती आणि ग्रामीण परंपरा जपण्याच्या दृष्टीने या उत्सवाला विशेष महत्त्व असल्याचे यावेळी दिसून आले.
