देवीभोयरे (प्रतिनिधी) :
श्री अंबिका माध्यमिक व उच्च माध्यमिक विद्यालय, देवीभोयरे येथील कर्तव्यदक्ष प्राचार्य मा. श्री. राजेंद्र वाघ सर यांना अहिल्यानगर जिल्हा मुख्याध्यापक संघातर्फे दिला जाणारा यंदाचा मानाचा ‘गुणवंत मुख्याध्यापक पुरस्कार’ जाहीर झाला आहे. त्यांच्या या उल्लेखनीय यशाबद्दल शिक्षण क्षेत्रात व संपूर्ण पंचक्रोशीत आनंदाचे वातावरण निर्माण झाले असून त्यांच्यावर अभिनंदनाचा वर्षाव होत आहे.
प्राचार्य राजेंद्र वाघ सर यांनी शिक्षण क्षेत्रात तसेच देवीभोयरे परिसरातील विद्यार्थ्यांच्या सर्वांगीण प्रगतीसाठी मोलाचे योगदान दिले आहे. त्यांच्या कुशल नेतृत्वाखाली व मार्गदर्शनाखाली शाळेने शैक्षणिक तसेच इतर विविध क्षेत्रांत मोठी प्रगती साध्य केली आहे. त्यांच्या याच उत्तुंग कार्याची दखल घेऊन जिल्हा मुख्याध्यापक संघातर्फे त्यांना या पुरस्काराने गौरविण्यात आले आहे.
शुभेच्छुकांकडून कौतुक :
सरांना हा सन्मान मिळाल्याबद्दल मान्यवरांकडून त्यांचे विशेष अभिनंदन करण्यात आले असून पुढील भावी प्रवासासाठी शुभेच्छा देण्यात आल्या आहेत.
शुभचिंतक :
माननीय श्री. शिवाजीराव जाधव साहेब (अध्यक्ष, आदर्श ग्रामीण विकास प्रतिष्ठान)
समस्त मान्यवर ग्रामस्थ, देवीभोयरे
सर्व शिक्षक, शिक्षकेतर कर्मचारी व विद्यार्थी
माजी विद्यार्थी संघ (श्री अंबिका माध्यमिक व उच्च माध्यमिक विद्यालय, देवीभोयरे)
