उक्कडगावातील प्रकरण; कारवाईची मागणी
उक्कडगाव – श्रीगोंदा
तारीख 07/10/2026
प्रतिनिधी |
श्रीगोंदा
तालुक्यातील उक्कडगाव येथे एका दलित कुटुंब-ातील व्यक्तीला फावड्याने मारहाण करून गंभीर जखमी केल्याची घटना घडली आहे. यात संबंधित व्यक्तीच्या पायाचे हाड फॅक्चर झाले असून त्यांच्यावर उपचार सुरू आहेत. बेलवंडी पोलीस ठाणे, जिल्हा अहिल्यागर येथे FIR क्रमांक 0387/2026 दिनांक 07/10/2026 रोजी 00:06 वाजता नोंदवला असून, . या प्रकरणात एका आरोपीला अटक करण्यात आली असून इतर तीन आरोपी फरार आहेत. फरार तिघांचा शोध सुरू असून पोलिसांकडून पथके रवाना करण्यात आली आहेत.
सामाजिक कार्यकर्ते अप्पा रोकडे आणि नंदू ससाणे यांनी उक्कडगाव येथे जाऊन पीडित कुटुंबाची भेट घेऊन धीर दिला. त्यांनी घटनास्थळाची पाहणी करून सर्व आरोपींना तातडीने अटक करून कठोर कारवाई करण्याची मागणी केली.
पोलिसांनी दिलेल्या माहितीनुसार गुन्द्यात BNS कलमे 118(1), 118(2), 126(2), 115(2), 352, 351(2) व 351 (3) अंतर्गत गुन्हा दाखल करण्यात आला आहे. फावड्याने पायावर वार करून गंभीर दुखापत केल्याचा प्रकार असून पीडितेच्या पायाचे हाड मोडल्याने शस्त्रक्रिया करावी लागण्याची शक्यता आहे.
सामाजिक कार्यकर्ते यांनी प्रशासनाकडे पीडित कुटुंबाला तात्काळ सुरक्षा, वैद्यकीय मदत व नुकसानभरपाई देण्याची मागणी केली आहे.
फरार असलेल्या तिन्ही आरोपींना लवकरात लवकर अटक करून कायद्यानुसार कठोर कारवाई करावी, असे निवेदन पोलीस अधिकाऱ्यांना देण्यात आले आहे. या घटनेची गंभीर दखल घेऊन पोलीस तपास वेगाने सुरू असून गावात तणावपूर्ण शांतता आहे.
पीडित कुटुंबाला न्याय मिळावा व भविष्यात अशा प्रकारच्या घटना टाळण्यासाठी गस्त वाढवावी अशी मागणी स्थानिकांकडून होत आहे.
