तरंगफळ येथील आप्पा वाघमोडे यांना दिलासा; नवीन वीजखांब व तारा बसवून प्रश्न मार्गी
माळशिरस | प्रतिनिधी : चंद्रकांत गायकवाड
माळशिरस तालुक्यातील तरंगफळ गावातील वाघमोडे वस्ती येथे शेतकरी आप्पा वाघमोडे यांच्या विहिरीवरील वीजखांब (पोल) आणि विद्युत तारा चोरीला गेल्याने त्यांच्या शेतीच्या पाणीपुरवठ्याचा प्रश्न निर्माण झाला होता. या घटनेमुळे संबंधित शेतकऱ्याला शेतीसाठी पाणी उपलब्ध करून घेण्यात अडचणी येत होत्या.
या समस्येची दखल घेत माळशिरसचे आमदार उत्तमराव जानकर यांच्या नेतृत्वाखाली तसेच पंचायत समिती सदस्य बाबासाहेब माने पाटील यांच्या प्रयत्नांतून आणि पाठपुराव्यामुळे महाराष्ट्र राज्य विद्युत वितरण कंपनीकडून नवीन वीजखांब व विद्युत तारा बसविण्यात आल्या.
नवीन वीजखांब आणि तारा बसविण्यात आल्याने आप्पा वाघमोडे यांच्या शेतीच्या वीजपुरवठ्याचा प्रश्न मार्गी लागण्यास मदत झाली असून, त्यांना मोठा दिलासा मिळाला आहे.
शेतीसाठी वीजपुरवठा महत्त्वाचा असल्याने अशा अडचणींचे वेळेत निराकरण होणे गरजेचे आहे. संबंधित समस्येच्या निवारणासाठी सहकार्य करणाऱ्या लोकप्रतिनिधींचे आणि विद्युत वितरण कंपनीच्या संबंधित कर्मचाऱ्यांचे तरंगफळ परिसरातील शेतकरी बांधवांकडून आभार व्यक्त करण्यात येत आहेत.
वार्ताहर संपर्क : चंद्रकांत गायकवाड | सोलापूर जिल्हा
