‘अंतिम सन्मान योजने’तून पातूर येथील कुटुंबाला आर्थिक आधार; सामाजिक उपक्रमाचे सर्वत्र कौतुक
पातूर प्रतिनिधी
पातूर (जि. अकोला) : सैनिक शेतकरी वेल्फेअर फाऊंडेशन, महाराष्ट्र राज्य यांच्या वतीने राबविण्यात येणाऱ्या ‘अंतिम सन्मान योजने’अंतर्गत पातूर येथील स्व. लक्ष्मण नामदेव फुलारी यांच्या कुटुंबाला पाच हजार रुपयांची आर्थिक मदत देण्यात आली. संकटाच्या काळात दुःखी कुटुंबाला आधार मिळावा, या उद्देशाने फाऊंडेशनने हा सामाजिक उपक्रम राबविला.
फाऊंडेशनचे संस्थापक अध्यक्ष मनोजकुमार डांगे, उपाध्यक्ष निलेश निकम, सचिव संजय सतई तसेच महिला सक्षमीकरण अध्यक्षा सौ. वर्षाताई संजय बगाडे यांच्या मार्गदर्शनाखाली हा उपक्रम पार पडला. यावेळी स्व. लक्ष्मण नामदेव फुलारी यांच्या कुटुंबीयांना पाच हजार रुपयांचा धनादेश सुपूर्द करण्यात आला.
या प्रसंगी पातूर तालुका अध्यक्ष रविकुमार आर. तायडे, पातूर विभाग प्रमुख सौ. मिनाक्षी किशोर यादव, सौ. प्रिया दिलीप कोथळकर, केंद्र प्रमुख सौ. लताताई इंगळे, सौ. सरिता सपकाळ तसेच फाऊंडेशनचे कोअर कमिटी सदस्य उपस्थित होते.
संकटग्रस्त कुटुंबांना मदतीचा हात देण्याच्या फाऊंडेशनच्या या उपक्रमाचे परिसरातून कौतुक होत असून, सामाजिक बांधिलकी जपणाऱ्या या कार्याचे सर्व स्तरांतून स्वागत करण्यात येत आहे.
