भीमाशंकर सहकारी साखर कारखाना व भीमाशंकर शिक्षण संस्थेचा संयुक्त उपक्रम; अधिकारी, कर्मचारी आणि शिक्षकांचा उत्स्फूर्त प्रतिसाद
सुरेंद्र सोनवणे, लोणी प्रतिनिधी | सारथी महाराष्ट्राचा न्यूज
लोणी (ता. आंबेगाव) : माजी गृहमंत्री व सहकारमंत्री तथा आमदार दिलीपराव वळसे पाटील यांच्या ७० व्या वाढदिवसानिमित्त भीमाशंकर सहकारी साखर कारखाना आणि भीमाशंकर शिक्षण संस्थेच्या संयुक्त विद्यमाने रक्तदान शिबिराचे आयोजन करण्यात आले. या शिबिराला अधिकारी, कर्मचारी, शिक्षक आणि सेवक वर्गाने उत्स्फूर्त प्रतिसाद दिला. यावेळी तब्बल २०५ रक्तदात्यांनी रक्तदान करून सामाजिक बांधिलकी जपली.
भीमाशंकर सहकारी साखर कारखान्याचे चेअरमन बाळासाहेब बेंडे आणि व्हाईस चेअरमन प्रदीप वळसे पाटील यांच्या मार्गदर्शनाखाली कारखाना कार्यस्थळावर शिवनेरी ब्लड सेंटर, मंचर यांच्या सहकार्याने हे शिबिर पार पडले.
शिबिराचे उद्घाटन कारखान्याचे संचालक बाबासाहेब खालकर यांच्या हस्ते करण्यात आले. यावेळी कारखान्याचे संचालक अशोक घुले, रामचंद्र ढोबळे, दादाभाऊ पोखरकर, शांताराम हिंगे, आनंदराव शिंदे, मच्छिंद्र गावडे, बाजीराव बारवे, ज्ञानेश्वर अस्वारे, पोपटराव थिटे, पुष्पलता जाधव, प्रिया बाणखेले यांच्यासह कार्यकारी संचालक चंद्रकांत ढगे उपस्थित होते.
तसेच सेक्रेटरी रामनाथ हिंगे, कामगार कल्याण अधिकारी सुरेश शिंदे, पर्चेस अधिकारी ब्रिजेश लोहोट, स्टोअर कीपर अनिल बोंबले, सिव्हिल इंजिनिअर अमीर पठाण, सुरक्षा अधिकारी कैलास गाढवे, भीमाशंकर शिक्षण संस्थेचे ओ.एस.डी. बी. डी. चव्हाण, कार्यालयीन अधीक्षक वसंत जाधव आणि दत्तात्रय गोविंदराव वळसे पाटील महाविद्यालयाचे प्राचार्य नाथा मोकाटे यांच्यासह शिक्षकवृंद व सेवक वर्ग उपस्थित होता.
शिवनेरी ब्लड सेंटरचे संचालक चंद्रभान वाघ, डॉ. वर्षा शेळके आणि त्यांच्या सहकाऱ्यांनी रक्तसंकलन तसेच शिबिराच्या यशस्वितेसाठी विशेष परिश्रम घेतले.
आमदार दिलीप वळसे पाटील यांच्या वाढदिवसाचे औचित्य साधून आयोजित या उपक्रमात २०५ जणांनी रक्तदान केले. रक्तदान हे श्रेष्ठदान मानून सामाजिक उपक्रमात सहभागी झालेल्या सर्व रक्तदात्यांचे उपस्थित मान्यवरांनी कौतुक केले.
