केज येथे आज धम्मदेशना, गुणवंतांचा सत्कार व महापुरुषांच्या शिल्पाचे अनावरण

महात्मा फुले यांच्या द्विशताब्दी वर्षानिमित्त आणि क्रांतिवीर लहुजी साळवे वस्ताद जयंतीनिमित्त भव्य सोहळ्याचे आयोजन

केज | प्रतिनिधी

महात्मा जोतिराव फुले यांच्या द्विशताब्दी वर्षानिमित्त आणि क्रांतिवीर लहुजी साळवे वस्ताद यांच्या जयंतीनिमित्त भारतीय धम्म महासंघाच्या वतीने आज शनिवार, दि. १४ नोव्हेंबर २०२६ रोजी दुपारी ३ वाजता धम्मदेशना, गुणवंतांचा सत्कार आणि महापुरुषांच्या शिल्पाचे अनावरण अशा भव्य कार्यक्रमाचे आयोजन करण्यात आले आहे.

हा सोहळा केज येथील कानडी रोडवरील क्रांतीनगर येथे बाबुराव गालफाडे सर यांच्या निवासस्थानी पार पडणार आहे. जवळा फकीर, ता. धारूर येथील पूज्य भदंत पय्यातिस्स महाथेरो यांच्या शुभहस्ते कार्यक्रमाचे उद्घाटन व महापुरुषांच्या शिल्पाचे अनावरण होणार आहे. भारतीय बौद्ध महासभेचे विभागीय संघटक आयु. डी. एस. नरसिंगे सर हे प्रमुख मार्गदर्शक म्हणून उपस्थित राहून धम्मदेशना व मार्गदर्शन करणार आहेत.

विविध क्षेत्रांतील मान्यवरांची उपस्थिती

या कार्यक्रमास प्रमुख पाहुणे म्हणून केज नगरपरिषदेच्या नगराध्यक्षा डॉ. आयु. सिताताई बनसोड, जनविकास परिवर्तन आघाडीचे डॉ. आयु. हारुणभाई इनामदार, अंबा साखर कारखान्याचे चेअरमन आयु. रमेशरावजी आडसकर, माजी आमदार आयु. संगीताताई ठोंबरे, शिवसेना महिला जिल्हाध्यक्षा डॉ. आयु. प्रतिभाताई थोरात, माजी आमदार आयु. पृथ्वीराज साठे, उपनगराध्यक्ष आयु. पशुपतीनाथ दांगट, रिपब्लिकन पार्टी ऑफ इंडिया (रिपाई)चे जिल्हा कार्याध्यक्ष आयु. संदीपान हजारे, शेकाप नेते आयु. ॲड. वैजनाथ वाघमारे आणि आयु. भाई मोहन गुंड यांच्यासह विविध क्षेत्रांतील मान्यवर व लोकप्रतिनिधी उपस्थित राहणार आहेत.

अनेक पदाधिकारी व मान्यवर राहणार उपस्थित

यावेळी नगरसेवक आयु. अजहर इनामदार, रिपाई तालुकाध्यक्ष आयु. दीपक कांबळे, आयु. सुनील हिरवे, बीबीसी केजचे आयु. हनुमंत भोसले, माजी नगरसेवक आयु. कपिल मस्के, आयु. लक्ष्मण जाधव, नालंदा विद्यालयाचे मुख्याध्यापक आयु. नंदकुमार मस्के, आयु. प्रा. चंद्रकांत साळवे, आयु. एस. एम. जोगदंड, आयु. राजेंद्र गालफाडे सर, आयु. भास्कर कांबळे, आयु. संभाजी शिंदे, आयु. बाबासाहेब मोरे, आयु. अच्युत बापू उजगरे, आयु. प्रा. श्रीरंग पवार, आयु. संतोष लांडगे, आयु. चंद्रकांत मस्के, आयु. प्रा. शिवकुमार मस्के, आयु. प्रा. जयपाल मस्के, आयु. रोहित कसबे, आयु. बाळासाहेब दांगट, आयु. बी. आर. गायकवाड, आयु. प्रा. बाळासाहेब पवार, आयु. इरफान पठाण, आयु. ॲड. हनुमंत कांबळे, आयु. महादेव लांडगे, आयु. प्रा. रमेश पाटोळे, आयु. प्रा. अशोक रोडे, आयु. सतीश कापसे, आयु. अशोक सोनवणे, आयु. अनिल लोखंडे आणि आयु. सय्यद शकील आदी मान्यवर उपस्थित राहणार आहेत.

या कार्यक्रमास नागरिकांनी आणि अनुयायांनी मोठ्या संख्येने उपस्थित राहून सोहळ्याची शोभा वाढवावी, असे आवाहन आयोजक आयु. बाबुराव केशवराव गालफाडे, आयु. अजय बाबुराव गालफाडे आणि समस्त मित्र परिवाराच्या वतीने करण्यात आले आहे.