ढोल-ताशांच्या गजरात आणि जयघोषात पदयात्रा; माजी आमदार वीरेंद्र जगताप यांच्या नेतृत्वाखाली काँग्रेसतर्फे अल्पोपहाराचे आयोजन
चांदूर रेल्वे | प्रतिनिधी | दि. १५ नोव्हेंबर २०२६
क्रांतिसूर्य जननायक भगवान बिरसा मुंडा यांच्या जयंतीनिमित्त चांदूर रेल्वे येथे रविवार, दि. १५ नोव्हेंबर रोजी आदिवासी समाजाच्या वतीने भव्य पदयात्रेचे आयोजन करण्यात आले. रेल्वे स्टेशन फैल येथून या पदयात्रेला उत्साहात सुरुवात झाली. आदिवासी समाजबांधवांनी मोठ्या संख्येने सहभागी होत जननायक बिरसा मुंडा यांना अभिवादन केले.
रेल्वे स्टेशन फैल येथून सुरू झालेली पदयात्रा रेल्वे स्टेशनसमोरील छत्रपती शिवाजी महाराज यांच्या पुतळ्याजवळून पुढे विरूळ चौक मार्गाने मार्गस्थ झाली. यावेळी काँग्रेस पक्षाच्या वतीने माजी आमदार वीरेंद्रजी जगताप यांच्या नेतृत्वाखाली काँग्रेस कार्यकर्त्यांनी पदयात्रेतील सहभागींसाठी अल्पोपहाराचे आयोजन केले होते.
पदयात्रेत आदिवासी बांधवांनी मोठ्या उत्साहात सहभाग घेतला. ढोल-ताशांचा गजर, पारंपरिक वाद्यांचा निनाद आणि भगवान बिरसा मुंडा यांच्या जयघोषाने संपूर्ण परिसर दुमदुमून गेला. पारंपरिक उत्साहात आणि जल्लोषात ही पदयात्रा काढण्यात आली.
यावेळी आदिवासी समाजबांधवांनी जननायक भगवान बिरसा मुंडा यांच्या शौर्य, त्याग, संघर्ष आणि समाजासाठी दिलेल्या योगदानाचे स्मरण केले. त्यांच्या विचारांचा आणि कार्याचा वारसा पुढील पिढीपर्यंत पोहोचवण्याचा संदेशही या जयंती सोहळ्यातून देण्यात आला.
पदयात्रेमुळे संपूर्ण परिसरात उत्सवाचे आणि जल्लोषाचे वातावरण निर्माण झाले होते.
