पुणे पत्रकार भवन येथे अभिनेत्री राधा सागर यांच्या हस्ते सन्मान; सामाजिक कार्य आणि वृक्षप्रेमी छंदाचे मान्यवरांकडून कौतुक
मलठण | प्रतिनिधी
शिरूर तालुक्यातील मलठण येथील नामदेव आबा दंडवते यांना त्यांच्या वृक्षप्रेमी कार्याची दखल घेऊन ‘वृक्षप्रेमी पुरस्कार’ प्रदान करण्यात आला. पुण्यातील गांजवे चौक येथील पत्रकार भवनात आनंदी युनिव्हर्स फाउंडेशनच्या वतीने आयोजित कार्यक्रमात प्रमुख पाहुण्या अभिनेत्री राधा सागर आणि पायल (कंटेंट क्रिएटर व सोशल मीडिया क्षेत्रातील प्रतिनिधी) यांच्या हस्ते त्यांचा सन्मान करण्यात आला.
या कार्यक्रमाला शासनमान्य ग्रामपंचायत प्रतिनिधी बाळासाहेब गावडे, ग्रामपंचायतीचे सरपंच, उपसरपंच व सदस्य तसेच मलठण येथील विविध क्षेत्रांतील मान्यवर उपस्थित होते. ज्येष्ठ पत्रकार, राष्ट्रीय उपसंपादक सत्य वार्ता भारत आणि ह.भ.प. सुरेश आप्पा महाराज गायकवाड यांचीही उपस्थिती होती.
नामदेव आबा दंडवते यांच्या वृक्षप्रेमी कार्यासह सामाजिक योगदानाचे उपस्थितांनी कौतुक केले. शेतीची परंपरा जपत दूध व्यवसाय आणि सामाजिक कार्यातही ते सक्रिय आहेत. त्यांच्या आवडीच्या छंदातून पर्यावरण संवर्धनासाठी केलेले कार्य प्रेरणादायी असल्याची भावना यावेळी व्यक्त करण्यात आली.
ह.भ.प. सुरेश आप्पा महाराज गायकवाड यांना महाराष्ट्र भूषण पुरस्कार मिळाल्याबद्दल मलठणमधील ज्येष्ठ पत्रकार बांधवांनी त्यांचे अभिनंदन करून शुभेच्छा दिल्या व गौरव केला.
कार्यक्रमाच्या शेवटी बाळासाहेब गावडे यांनी उपस्थित मान्यवर, आयोजक आणि सहकार्य करणाऱ्या सर्वांचे आभार मानले. राम कृष्ण हरी!
