प्राचार्य मधुसूदन गुप्ता यांच्या हस्ते पुरस्कार प्रदान; आई-वडिलांचा आनंद द्विगुणित
माजलगाव | प्रतिनिधी : माजलगाव येथील रहिवासी खुशाल ईश्वर गुट्टे यांचा नागपूर येथील भाऊसाहेब मूलक आयुर्वेदिक हॉस्पिटल अँड रिसर्च सेंटर येथे गुरुवार, दि. १९ नोव्हेंबर २०२६ रोजी आयोजित विशेष कार्यक्रमात गौरव करण्यात आला.
महाराष्ट्र आरोग्य विज्ञान विद्यापीठ (MUHS), नाशिक यांच्या अंतर्गत आयोजित या कार्यक्रमात महाविद्यालयाचे प्राचार्य मधुसूदन गुप्ता यांच्या हस्ते खुशाल ईश्वर गुट्टे यांना पुरस्कार प्रदान करून सन्मानित करण्यात आले.

यावेळी प्राचार्य मधुसूदन गुप्ता यांनी खुशाल गुट्टे यांचे अभिनंदन केले आणि त्यांच्या पुढील शैक्षणिक व व्यावसायिक वाटचालीस शुभेच्छा दिल्या. या सन्मानामुळे गुट्टे कुटुंबीयांमध्ये आनंदाचे वातावरण निर्माण झाले.
आपल्या मुलाचा मान्यवरांच्या हस्ते सन्मान होताना पाहून आई-वडिलांचा आनंद द्विगुणित झाला. पुरस्कार प्रदान करण्याचा तो क्षण त्यांच्या आयुष्यातील भावनिक आणि अभिमानाचा ठरला. मुलाच्या गौरवामुळे आई-वडिलांचे डोळे आनंदाश्रूंनी भरून आले. त्यांच्या चेहऱ्यावरील समाधान आणि अभिमान या सन्मान सोहळ्यातील विशेष क्षण ठरला.









