नानोरी ग्रामपंचायतीला सर्वसाधारण प्रवर्ग; निमखेड ग्रामपंचायतीला सर्वसाधारण महिला आरक्षण
चांदूर बाजार | प्रतिनिधी : चांदूर बाजार तालुक्यातील ग्रामपंचायतींचे सन २०२५ ते जून २०३० या कालावधीसाठीचे आरक्षण निश्चित करण्यात आले आहे. यासंदर्भातील आरक्षण यादी तहसीलदार कार्यालय, चांदूर बाजार यांच्याकडून जाहीर करण्यात आली आहे.
जाहीर करण्यात आलेल्या आरक्षण यादीत अनुसूचित जाती, अनुसूचित जमाती, नागरिकांचा मागास प्रवर्ग (ना.मा.प्र.) आणि सर्वसाधारण प्रवर्गासाठी आरक्षण निश्चित करण्यात आले आहे. यामध्ये महिला आरक्षणाचाही समावेश आहे.
या यादीमध्ये अनुसूचित जाती प्रवर्गासाठी १५ ग्रामपंचायती, अनुसूचित जमाती प्रवर्गासाठी ६ ग्रामपंचायती, नागरिकांचा मागास प्रवर्गासाठी १२ ग्रामपंचायती, तर सर्वसाधारण प्रवर्गासाठी ३३ ग्रामपंचायतींचा समावेश आहे.
विशेष म्हणजे, नानोरी ग्रामपंचायतीचे आरक्षण सर्वसाधारण प्रवर्गासाठी निश्चित करण्यात आले आहे, तर निमखेड ग्रामपंचायतीला सर्वसाधारण महिला प्रवर्गाचे आरक्षण देण्यात आले आहे.
आरक्षण निश्चित झाल्यामुळे तालुक्यातील ग्रामीण भागात आगामी ग्रामपंचायत निवडणुकांच्या पार्श्वभूमीवर राजकीय हालचालींना वेग येण्याची शक्यता आहे. इच्छुक उमेदवारांसह ग्रामस्थांचे लक्ष आता आगामी निवडणूक प्रक्रियेकडे लागले आहे.
सदर आरक्षण यादी तहसीलदार, चांदूर बाजार यांच्या कार्यालयाकडून जाहीर करण्यात आली आहे.









