स्वाभिमानी शेतकरी संघटना – आजरा – चंदगड – गडहिंग्लज तालुका, राजेश पाटील यांना जाहिर पाठींबा – गड्यानावर..

आजरा – प्रतिनिधी,
स्वाभिमानी शेतकरी संघटनेचे संस्थापक व अध्यक्ष माननीय माजी खासदार राजू शेट्टी साहेब यांच्याशी चर्चा करून व गडहिंग्लज,आजरा,चंदगड या तीनही तालुक्यातील शेतकऱ्यांच्यासाठी अव्याहतपणे झगडणाऱ्या सर्व स्वाभिमानी शेतकरी संघटनेच्या कार्यकर्त्यांशी केलेल्या प्रदीर्घ चर्चेनंतर स्वाभिमानी शेतकरी संघटनेचे राज्य सचिव माननीय श्री राजेंद्र गड्यानावर साहेब यांनी चंदगड विधानसभा निवडणुकीच्या रिंगणामध्ये असणाऱ्या एकूण

उमेदवारापैकी शेतकऱ्यांच्या दृष्टीने व भविष्यामध्ये काही रचनात्मक काम करू शकणारे उमेदवार म्हणून महायुतीचे व राष्ट्रवादी काँग्रेस पक्षाचे अधिकृत उमेदवार आमदार राजेश पाटील साहेब यांना स्वाभिमानी शेतकरी संघटनेच्या वतीने विधानसभा 2024 करिता पाठिंबा जाहीर केला.याबद्दल माननीय आमदार राजेश पाटील साहेब यांनी स्वाभिमानी शेतकरी संघटनेचे अध्यक्ष माननीय शेट्टी साहेब. माननीय राजेंद्र गड्यानावर साहेब व तिनही तालुक्यातील लढाऊ अशा स्वाभिमानी शेतकरी संघटनेच्या कार्यकर्त्यांचे मनापासून आभार व्यक्त केले या लढाईमध्ये एक नवीन ऊर्जा स्वाभिमानी शेतकरी संघटनेच्या वतीने मला प्राप्त झाली अशा नम्र व कृतज्ञ भावना त्यांनी व्यक्त केल्या..