विद्यार्थ्यांना थंडीपासून संरक्षणासाठी स्वेटर वाटप कार्यक्रम

डहाणू: जिल्हा परिषद शाळा गंजाड गॅलनपाडा येथे B.B. Panthaki आणि J.R. Desai Foundation, Mumbai यांच्या वतीने विद्यार्थ्यांना थंडीपासून संरक्षण मिळण्यासाठी स्वेटर वाटप करण्यात आले. या उपक्रमामुळे विद्यार्थ्यांच्या चेहऱ्यावर आनंद ओसंडून वाहत होता.
कार्यक्रमाला फाउंडेशनच्या संस्थापक हिताक्षी शहा देसाई आणि वृक्षद पंतखी हे प्रमुख पाहुणे उपस्थित होते. त्यांनी विद्यार्थ्यांना स्वेटरसोबत खाऊचेही वाटप केले. विद्यार्थ्यांनी मिळालेल्या स्वेटरमुळे समाधान व्यक्त केले.

हिताक्षी शहा यांनी या वेळी शाळेतील शिक्षक व विद्यार्थ्यांशी संवाद साधला आणि शाळेच्या अडचणी समजून घेतल्या. त्यांनी, “भविष्यात शाळेच्या समस्यांवर उपाय काढण्यासाठी आमचा ट्रस्ट नक्कीच मदत करेल,” असे आश्वासन दिले.
कार्यक्रमाचे समन्वयन शंकर आमटे यांनी केले, तर सूत्रसंचालन शंकर कुवरा यांनी पार पाडले. मान्यवरांचे आभार नीलम पाटील यांनी मानले.
विद्यार्थ्यांसाठी आयोजित या सामाजिक उपक्रमामुळे त्यांच्या मनात उत्साह निर्माण झाला असून, शिक्षणासोबतच सर्वांगीण विकासासाठी अशा उपक्रमांची महत्त्वपूर्ण भूमिका ठरेल.