श्री हनुमान मूर्ती प्राणप्रतिष्ठा व कलशारोहण कार्यक्रम उत्साहात.

( ता.प्र ) शेख मोईन.
किनवट, दि. २८ (सा.वा.) शहरापासून पूर्वेस सहा किलोमीटर अंतरावर असलेल्या वंजारवाडी येथे नूतन मंदिर बांधकाम पूर्ण झाले असून, श्री हनुमान मूर्ती प्राणप्रतिष्ठा व कलशारोहण कार्यक्रम उत्साहात झाला. नारायण महाराज वैष्णव सदन माधापूरकर यांच्या प्रेरणेने गावकऱ्यांनी स्वखर्चातून मेहनत व चिकाटीने भव्यदिव्य असे श्री हनुमान मंदिर उभे केले.

येथील मंदिरात श्री हनुमान मूर्ती प्राणप्रतिष्ठा वकळशारोहणाचा कार्यक्रम बालयोगी श्री गंगेश्वर महाराज सोमेश्वर संस्थान (मदनापूर), शनिवार पेठ यांच्या हस्ते हजारो भाविक-भक्तांच्या उपस्थितीत झाला. तत्पूर्वी सकाळी सात वाजता कळस नगर प्रदक्षिणा व दिंडी मिरवणूक काढण्यात आली होती. या महोत्सवासाठी गावातील लेकीबाळींनी

मोलाचे योगदान दिले. म्हणून गावकऱ्यांच्या वतीने या सर्व लेकीबाळींचा भेटवस्तू देऊन यथोचित्त सत्कार करण्यात आला. लेकीबाळींचे योगदान व सत्कार याचे संपूर्ण नियोजन गावातील दत्ता गोविंदराव केंद्रे यांनी केले होते. या कार्यक्रमानंतर महाप्रसादाचे आयोजन करण्यात आले होते. उत्स्फूर्तपणे पार पडलेल्या या सोहळ्याचा लाभ पंचक्रोशातील भाविक भक्त तसेच महिलांनी घेतला. गावकऱ्यांनी मोठ्या चिकाटी व मेहनतीने हे मंदिर उभारले असून, यामध्ये शंकर जायभाये, सूर्यकांत गुट्टे, परमेश्वर जायभाये, बाबुराव गुट्टे, ज्ञानदेव मुंडे, माधव चाटे, पुंडलिक घुगे, रामदास गुट्टे, बालाजी जायभाये, केशव केंद्रे, हरिश्चंद्र जायभाये, उध्दव गुट्टे, सुधाकर अनंतवार यांच्यासह संपूर्ण गावकऱ्यांनी मोलाचे योगदान दिले.