हातकणंगलेतील वाहतूककोंडी नियोजन करून थांबवणेबाबत नूतन आमदार अशोकबापू माने यांनी प्रशासनाला दिल्या सूचना

हातकणंगले प्रतिनिधी – 29 डिसेंबर 2024
सांगली-कोल्हापूर मुख्य हायवेवरील हातकणंगले बसस्थानक चौकात होणाऱ्या प्रचंड वाहतूक कोंडीचे तात्काळ नियोजन करा. स्थानिक नागरिक तसेच प्रवाश्यांची गैरसोय होता कामा नये अशा सूचना देत नवनिर्वाचित आमदार दलितमित्र अशोकराव माने बापूंनी आज प्रशासनाला चांगलेच धारेवर धरले.

सांगली -कोल्हापूर मार्गावर हातकणंगले बसस्थानक चौकात गेली अनेक दिवस ऊस वाहतूक व रस्त्याची झालेली दयनीय अवस्था यासह अतिक्रमणामुळे अनेक कारणांनी प्रचंड वर्दळ होत असून स्थानिक नागरिकांना व प्रवाशांना याचा नाहक त्रास होत आहे. ही बाब नवनिर्वाचित आमदार दलितमित्र अशोकराव मानेबापू यांच्या लक्षात येताच आज सकाळी स्वतः जागेवर जाऊन प्रशासनाला तात्काळ यातून मार्ग काढत वाहतूक नियंत्रकासह मुख्य हायवे समोरील पंचायत समिती ऑफीस ते इचलकरंजी फाटा येथे नेहमी होणारा वाहतूक अडथळा दूर करण्याच्या सूचना दिल्या. यावेळी प्रशासनासोबत चर्चा करून अतिक्रमण,पार्किंग शिस्त,हायमास्ट, डिव्हायडर तसेच संध्याकाळी वाहतूक सुरळीत करण्यासाठी ट्रॅफिक हवालदार उभा करणे व नागरिकांची हेळसांड थांबवावे अशाही सूचना आमदार माने यांनी दिल्या.

यावेळी पोलीस निरीक्षक शरद मेमाणे,एन एच ए आय चे अधिकारी महेश पाटोळे ,बांधकाम विभाग उपकार्यकरी अभियंता शिवाजी पाटील,तहसीलदार प्रतिनिधी फड सर, मुख्याधिकारी विशाल पाटील यांसह भाजपा तालुकाध्यक्ष अमरसिंह पाटील,नगरसेवक राजू इंगवले,स्वीय सहायक सुहास राजमाने,रमजान मुजावर,दीनानाथ मोरे,मयूर कोळी,उमेश सूर्यवंशी,मनोज इंगवले,गुंडू जाधव, प्रवीण कोळी,प्रकाश स्वामी यांसह हातकणंगले नगरी मधील प्रमुख नेते,कार्यकर्ते,नागरीक व पत्रकार बांधव मोठया संख्येने उपस्थित होते