सुपा ग्रामीण रुग्णालयातील डॉक्टरांची मुजोरी; रुग्णांशी गैरवर्तन आणि अरेरावी! बारामतीच्या ‘सारथी’चा दणकाविशेष प्रतिनिधी: रोहित जगताप (सारथी महाराष्ट्राचा)सुपा/बारामती:रुग्ण सेवा हीच ईश्वर सेवा मानली जाते, मात्र बारामती तालुक्यातील सुपा येथील शासकीय रुग्णालयात याउलट चित्र पाहायला मिळत आहे. येथील डॉक्टर रवींद्र चापा कानडे यांच्या उद्धट वर्तणुकीमुळे रुग्ण आणि त्यांचे नातेवाईक त्रस्त झाले असून, त्यांच्या विरोधात जिल्हा शल्य चिकित्सकांकडे लेखी तक्रार दाखल करण्यात आली आहे.नेमका प्रकार काय?सुपा आणि परिसरातील नागरिक उपचारासाठी येथील शासकीय रुग्णालयावर अवलंबून असतात. मात्र, डॉक्टर कानडे हे रुग्णांशी अत्यंत उद्धटपणे आणि अरेरावीच्या भाषेत बोलत असल्याच्या तक्रारी वाढल्या आहेत. विशेषतः ग्रामीण भागातून येणाऱ्या गरीब आणि गरजू रुग्णांना समजून घेण्याऐवजी त्यांच्यावर डाफरण्याचे प्रकार वारंवार घडत आहेत.तक्रार अर्जातील खळबळजनक मुद्दे:सारथी महाराष्ट्राचे प्रतिनिधी रोहित सूर्यकांत जगताप यांनी दिलेल्या तक्रार अर्जात डॉक्टरांच्या कार्यपद्धतीवर गंभीर बोट ठेवले आहे:• महिलांशी गैरवर्तन: महिला रुग्णांशी बोलताना किमान सभ्यता न पाळणे, त्यांना अरेतुरे करणे आणि अपमानस्पद वागणूक देणे, असे गंभीर आरोप डॉक्टरांवर करण्यात आले आहेत.• कामात चिडचिडेपणा: उपचारासाठी आलेल्या रुग्णांना नीट माहिती न देणे आणि सतत चिडचिड करणे, यामुळे ग्रामीण भागातील वयोवृद्ध रुग्णांना मानसिक त्रासाला सामोरे जावे लागत आहे.• कर्तव्यात कसूर: रुग्णांनी विचारलेल्या प्रश्नांना नीट उत्तरे न दिल्यामुळे रुग्णांना योग्य उपचार मिळण्यात अडथळे येत आहेत.प्रशासकीय कारवाईची मागणीडॉक्टरांच्या अशा वागणुकीमुळे शासकीय रुग्णालयाची प्रतिमा मलिन होत असून सामान्य माणसाचा व्यवस्थेवरचा विश्वास उडत आहे. याप्रकरणी संबंधित डॉक्टरांवर तात्काळ प्रशासकीय कारवाई करावी, अशी मागणी रोहित जगताप यांनी जिल्हा शल्य चिकित्सक, पुणे यांच्याकडे केली आहे.आता आरोग्य विभाग या मुजोर डॉक्टरांवर काय कारवाई करणार, की पुन्हा एकदा गरिबांच्या आरोग्याशी खेळ सुरूच राहणार, याकडे संपूर्ण तालुक्याचे लक्ष लागले आहे.रिपोर्ट: रोहित जगताप, सारथी महाराष्ट्राचा
