प्रतिनिधी आलेगाव (जि.अकोला)/सारथी महाराष्ट्राचा न्युज वृत्तसेवा
पांढुर्णा, पिंपरडोळी शेत शिवार परिसरातील शेतकरी बांधवांना शेतातील पिकास पाणी देण्यासाठी वीजप्रवाह हा वारंवार खंडित होत होता.सारखे होल्टेज कमी होणे,मोटरपंप सुरु न होने, ट्रान्सफॉर्मर जळणे अशा समस्या नेहमीच्या होत्या.
अशा स्थितीत परिसरामध्ये शेतकरी,शेतमजूर, गोरगरिबांच्या मदतीला धावून जाणारे म्हणून ज्यांची ख्याती आहे असे आलेगाव येथील सामाजिक कार्यकर्ते निलेश भाउ कापकर यांच्याकडे शेतकऱ्यांनी ह्या समस्या मांडल्या.
तेव्हा सामाजिक कार्यकर्ते निलेश भाउ कापकर यांनी तात्काळ शेतकऱ्यांच्या मदतीला धावून जात शेतकऱ्यांसह त्यांनी आलेगाव येथील विद्युत कार्यालयास धडक भेट दिली.त्यामुळे सबस्टेशन चे अभियंता यांनी प्रत्यक्ष शेत बांधावर जात नविन ट्रान्सफॉर्मर बसवून दिले.”शेतकरी जगाचा पोशिंदा आहे.शेतकरी बांधवांचे प्रश्न तात्काळ सोडविण्यासाठी मी माझी पुर्ण शक्ती पणाला लावणार “असे आश्वासन निलेश भाउ कापकर यांनी शेतकऱ्यांना दिले.
यादरम्यान शेतकरी बांधवांनी यासंदर्भात पुर्ण सहकार्य केल्याबद्दल त्यांचे आभार व्यक्त केले.यावेळी ओम कुंदर्के, प्रवीण व्यवहारे ,केशव बुंदे,समाधान ताजने,अमोल व्यवहारे,बलक भाउ, माणिक राठोड, सुनिल देवकते, शिवा देशमुख, संतोष देवकते,सुभाष देवकते, गोलु व्यवहारे,बबलु लाहोळे, सुरेश देवकते आदी शेतकरी उपस्थित होते.
