रावेर | प्रतिनिधी
थॅलेसिमिया पीडित मुलांच्या जीवनासाठी रावेर येथे भव्य रक्तदान शिबिराचे आयोजन करण्यात आले होते. या शिबिराला नागरिकांचा उत्स्फूर्त प्रतिसाद मिळाला असून तब्बल २०२ रक्तदात्यांनी रक्तदान करून सामाजिक बांधिलकी जपली.
थॅलेसिमिया सारख्या गंभीर आजाराने ग्रस्त असलेल्या मुलांना नियमित रक्ताची गरज भासते. अशा मुलांच्या उपचारासाठी रक्ताचा साठा उपलब्ध व्हावा या उद्देशाने या शिबिराचे आयोजन करण्यात आले होते.
या प्रसंगी माऊली हॉस्पिटल चे डॉ. संदीप पाटील व डॉ. योगिता पाटील मॅडम उपस्थित होते. त्यांनी रक्तदात्यांचे कौतुक करत सामाजिक कार्यात नागरिकांनी पुढाकार घ्यावा असे आवाहन केले.
शिबिराच्या यशस्वी आयोजनासाठी आयोजकांनी सर्व रक्तदाते, स्वयंसेवक व सहकार्य करणाऱ्या नागरिकांचे आभार मानले.
