कार्यक्रमाला उपस्थित श्री. अर्जुन आबिटकर, माजी उपनगराध्यक्ष अनिरुद्ध (बाळ ) केसरकर, परशराम बामणे, परेश पोतदार, संजय पाटील, चौगले आणि इतर मान्यवर होते.
माजी उपनगराध्यक्ष अनिरुद्ध केसरकर यांच्या वाढदिवसानिमित्त भव्य शरीरसौष्ठव स्पर्धेचे आयोजन
आजरा: प्रतिनिधी,
आजरा शहराचे माजी उपनगराध्यक्ष अनिरुद्ध (बाळ) केसरकर यांच्या वाढदिवसाचे औचित्य साधून आयोजित करण्यात आलेल्या ‘आजरा श्री – २०२६’ या भव्य शरीरसौष्ठव (बॉडी बिल्डिंग) स्पर्धेत महागावच्या अमोल जाधव याने विजेतेपद पटकावत ‘आजरा श्री’चा किताब आपल्या नावे केला.
उत्साहात उद्घाटन
या स्पर्धेचे शानदार उद्घाटन अर्जुन आबिटकर यांच्या हस्ते करण्यात आले. यावेळी बोलताना त्यांनी तरुणांमध्ये व्यायामाची आवड निर्माण होण्यासाठी अशा स्पर्धांचे आयोजन होणे काळाची गरज असल्याचे प्रतिपादन केले. अनिरुद्ध केसरकर यांच्या वाढदिवसानिमित्त सामाजिक आणि क्रीडा क्षेत्राला प्रोत्साहन देणारा हा उपक्रम स्तुत्य असल्याचेही त्यांनी नमूद केले.
अटीतटीची लढत
या स्पर्धेमध्ये एकूण ३५ स्पर्धकांनी सहभाग नोंदवला होता. अत्यंत चुरशीच्या झालेल्या या स्पर्धेत खेळाडूंनी आपल्या पिळदार शरीरयष्टीचे प्रदर्शन करत उपस्थितांची मने जिंकली. प्रत्येक गटातून उत्कृष्ट खेळाडूंची निवड करताना परीक्षकांचा कस लागला. अंतिम फेरीत अमोल जाधव याने आपल्या अचूक पोझेस आणि शरीरसौष्ठवाच्या जोरावर बाजी मारली.
तज्ज्ञ परीक्षकांचे संचलन
स्पर्धेचे निष्पक्ष काम पाहण्यासाठी संजय धुरे, केसरकर सर आणि झाकीर नदाफ सर यांनी परीक्षक म्हणून जबाबदारी पार पाडली. त्यांच्या मार्गदर्शनाखाली अत्यंत शिस्तबद्ध पद्धतीने ही स्पर्धा पार पडली.
या स्पर्धेला आजरा परिसर आणि महागावमधील क्रीडाप्रेमींनी मोठ्या संख्येने उपस्थित राहून खेळाडूंचा उत्साह वाढवला. विजेत्या अमोल जाधववर सध्या कौतुकाचा वर्षाव होत आहे.
