कल्याण (प्रतिनिधी जोगेंद्र जाधव): ठाणे जिल्ह्यातील महिलांच्या क्रीडा कौशल्याला व्यासपीठ मिळवून देण्यासाठी आणि त्यांच्या आरोग्याप्रती जागरूकता निर्माण करण्यासाठी ‘रन रागिणी २०२६’ या मॅरेथॉन स्पर्धेचे आयोजन करण्यात आले आहे. डॉ. शोभा पाटील यांच्या संकल्पनेतून साकारलेली ही या स्पर्धेची ५ वी आवृत्ती असून, कल्याण पश्चिम येथील गंधारी रोड येथे हा भव्य सोहळा संपन्न होणार आहे.
या विशेष उपक्रमाचे आयोजन वैष्णवी हॉस्पिटलचे डॉ. अश्विन कक्कड आणि ट्रॉयमेटीस इव्हेंट्सचे ॲड. राजकुमार , कल्याण रनन्स चे समीर पाटील,आणि kDMC यांच्या पुढाकाराने करण्यात आले आहे. या स्पर्धेला कल्याण डोंबिवली महानगरपालिकेचे (KDMC) आयुक्त अभिनव गोयल उपआयुक्त संजय जाधव, उप शहर अभियंता भागवत हे उपस्थित प्रमुख पाहुणे असतील ही स्पर्धा ठाणे जिल्ह्यातील पहिली ‘ऑल वुमेन्स रन’ मानली जाते. डोंबिवली येथे 4 वर्ष झाली आहे आणि पहिल्यांदा कल्याण येथे झाली आहे.
बिब वितरण (BIB Distribution) माहिती
स्पर्धेत सहभागी होणाऱ्या महिलांसाठी ‘बिब’ (धावपटूंचा क्रमांक) वितरणाचे आयोजन खालीलप्रमाणे करण्यात आले आहे:
तारीख: ७ मार्च
वेळ: सकाळी ११:०० ते सायंकाळी ५:००
ठिकाण: वैष्णवी मॅटर्निटी होम, सिंडिकेट, मुरबाड रोड, सारस्वत बँकेच्या मागे, कल्याण (पश्चिम) – ४२१३०१
महिलांच्या उत्साहासाठी १० किमी (पहाटे ६:००), ५ किमी (सकाळी ७:००) आणि ३ किमी फन रन (सकाळी ७:४५) अशा श्रेणी ठेवण्यात आल्या आहेत. गंधारी रोड हेच स्पर्धेचे सुरुवातीचे आणि अंतिम टोक असेल. सर्व गटांतील विजेत्यांना आकर्षक ट्रॉफी देऊन गौरविण्यात येईल.
अधिक माहितीसाठी इच्छुकांनी डॉ. शोभा पाटील (९८२०२ ४६१२३) किंवा समीर पाटील (८०९७१ ४१७०८) यांच्याशी संपर्क साधावा, असे आवाहन आयोजकांतर्फे करण्यात येत आहे
