अंजनगाव जिल्हा परिषद शाळेत साजऱ्या करण्यात आलेल्या शिवजयंती सोहळ्यात लेझीम पथकातील विद्यार्थ्यांचा सन्मान करताना मान्यवर.
अंजनगाव, बारामती : नेचर क्लबच्या वतीने जिल्हा परिषद शाळा अंजनगाव येथे छत्रपती शिवाजी महाराज यांची जयंती उत्साहपूर्ण आणि प्रेरणादायी वातावरणात साजरी करण्यात आली. या प्रसंगी विद्यार्थ्यांनी शिवरायांच्या जीवनचरित्रावर प्रकाश टाकत विविध सांस्कृतिक कार्यक्रम सादर करून उपस्थितांची मने जिंकली.
कार्यक्रमात सोमेश्वर विद्यालय व जिल्हा परिषद शाळा अंजनगाव येथील विद्यार्थिनींनी छत्रपती शिवाजी महाराज यांच्या शौर्य, दूरदृष्टी आणि उत्तम प्रशासनावर प्रभावी भाषणे केली. इयत्ता पहिली ते दहावीपर्यंतच्या प्रत्येक वर्गातील दोन विद्यार्थ्यांचा सन्मानचिन्ह देऊन गौरव करण्यात आला.
यावेळी विद्यार्थ्यांनी सादर केलेले शिवरायांच्या पराक्रमाचे पोवाडे आणि स्फूर्तीगीतांमुळे संपूर्ण परिसर शिवमय झाला होता. तसेच जिल्हास्तरीय लेझीम स्पर्धेत विशेष योगदान देणाऱ्या विद्यार्थ्यांचा सन्मानचिन्ह देऊन गौरव करण्यात आला.
कार्यक्रमाचे विशेष आकर्षण म्हणजे लेझीम स्पर्धेत उल्लेखनीय कामगिरी केल्याबद्दल शाळेचे मुख्याध्यापक पिसाळ सर, गोडसे मॅडम आणि राऊत मॅडम यांचा सन्मानचिन्ह देऊन सत्कार करण्यात आला.
या कार्यक्रमाला ग्रामस्थांची मोठ्या संख्येने उपस्थिती होती. यामध्ये सूर्यकांत मोरे, बाळासाहेब वायसे, नावनाथ परकाळे, अंकुश खोमणे, जगदीश परकाळे, मिलिंद मोरे, दादा सस्ते, प्रशांत परकाळे, राहुल (हवा) परकाळे, शरद वायसे, विकास वायसे, प्रशांत कुचेकर, धनंजय वायसे, दादा कुचेकर, विजय परकाळे, संजय कुचेकर, सुरज मोरे, राहुल परकाळे, जालिंदर वायसे आणि मंगेश वायसे यांसह अनेक पालक उपस्थित होते.
कार्यक्रमाचे सूत्रसंचालन पिसाळ सर यांनी अत्यंत नेटके आणि ओघवत्या शैलीत केले, तर आभार प्रदर्शन मिलिंद मोरे यांनी केले. कार्यक्रम यशस्वी होण्यासाठी शिक्षक, विद्यार्थी आणि ग्रामस्थांनी सहकार्य केले.
