कोंढवा बुद्रुक : महिला दिनाचे औचित्य साधून महिला सक्षमीकरण व स्वावलंबी जीवन जगण्याचे उद्दिष्ट साध्य करण्यासाठी विधान परिषदेचे आमदार योगेश टिळेकर यांच्या मार्गदर्शखाली, कोंढवा बुद्रुक येवलेवाडी प्रभागातील नगरसेविका रंजना टिळेकर, वृषाली कामठे, पूजा कदम, कोंढवा उंड्री क्षेत्रीय कार्यालयाच्या अतिरिक्त आयुक्त सुचिता पानसरे यांच्या प्रमुख उपस्थितीमध्ये नगरसेविका अर्चना जगताप यांच्या पुढाकाराने व संकल्पनेतून महिलांसाठी आयोजित करण्यात आलेल्या माता रमाई- “मी स्वावलंबी उद्योगिनी मी” या शिबिरास उत्स्फूर्त प्रतिसाद लाभला. या शिबिरामध्ये महिलांना विविध लघुउद्योग, स्वयंरोजगाराच्या संधी, आर्थिक साक्षरता व कौशल्य विकास याबाबत मार्गदर्शन करण्यात आले.महिलांनी आत्मनिर्भर होऊन समाजाच्या प्रगतीमध्ये महत्त्वाची भूमिका बजावावी, या उद्देशाने आयोजित केलेले हे शिबिर अत्यंत उपयुक्त ठरले. उपस्थित सर्व महिलांनी उत्साहाने सहभाग नोंदवत या उपक्रमाचे कौतुक केले.सदर शिबिर यशस्वीरित्या आयोजित करण्यास सहकार्य केल्याबद्दल नगरसेविका अर्चना जगताप यांनी, “मिलिंद तरुण मंडळाचे सर्व पदाधिकारी, संजीवनी स्पोर्ट्स अँड एज्युकेशनल फाउंडेशनचे अध्यक्ष अमित जगताप व संचालक मंडळ, तसेच पुणे महानगरपालिकेतील सर्व अधिकारी वर्गाचे आभार व्यक्त करून, पुढील काळातही प्रभागातील महिलांसाठी असे उपक्रम राबविण्याची संधी प्राप्त करून करून द्यावी असे मत व्यक्त केले व महिलांच्या प्रगतीसाठी असे उपक्रम सातत्याने राबविण्याचा संकल्प यावेळी व्यक्त केला.”
