आजरा (प्रतिनिधी)
सामाजिक बांधिलकीची जाणीव ठेवत येथील व्यंकटराव हायस्कूल व ज्युनिअर कॉलेजच्या पर्यावरण सेवा विभागाच्या वतीने आजरा एस. टी. बसस्थानक परिसरात स्वच्छता मोहीम उत्साहात राबवण्यात आली. विद्यार्थ्यांच्या सहभागामुळे संपूर्ण बसस्थानक परिसर स्वच्छ आणि सुंदर झाला.
🏢 आगार प्रशासनाचे मार्गदर्शन
ही मोहीम आजरा आगाराचे व्यवस्थापक प्रवीण पाटील यांच्या मार्गदर्शनाखाली पार पडली. बसस्थानकातील प्रवासी शेड, फलाट तसेच आजूबाजूच्या परिसरातील कचरा वेचून स्वच्छता करण्यात आली.
या उपक्रमात वाहतूक निरीक्षक सतीश भोगुलकर, लक्ष्मण गवळी, गंगाधर धुमुसे, राजू येसादे आणि परशुराम कांबळे यांनी सक्रिय सहभाग घेतला.
🎓 शाळेचा उत्स्फूर्त सहभाग
शाळेचे प्राचार्य एस. एम. नागुर्डेकर यांच्या प्रमुख उपस्थितीत ही मोहीम पार पडली. पर्यावरण सेवा विभागाचे प्रमुख भोये एस. वाय. आणि गुरव ए. एस. यांनी उपक्रमाचे सुयोग्य नियोजन केले.
विद्यार्थ्यांनी स्वच्छतेचे महत्त्व प्रत्यक्ष कृतीतून दाखवत परिसर कचरामुक्त केला.
👏 सर्वत्र कौतुक
या मोहिमेत आर्दाळकर सर, देसाई सर, हावेश सर यांच्यासह मोठ्या संख्येने विद्यार्थी सहभागी झाले होते. शाळेच्या या स्तुत्य उपक्रमाचे एसटी प्रशासन तसेच प्रवाशांकडून विशेष कौतुक करण्यात येत आहे.
