आजरा (प्रतिनिधी):
तालुक्यातील कानोली–गजरगाव सरंबळवाडी या ग्रामीण मार्ग क्रमांक १३ च्या जोड रस्त्याचा लोकार्पण सोहळा कानोली येथे उत्साहात पार पडला. आमदार शिवाजीराव पाटील यांच्या विशेष प्रयत्नातून आणि भाजप नेते जयवंत सुतार यांच्या सातत्यपूर्ण पाठपुराव्यामुळे या रस्त्यासह ओढ्यावरील मोरी बांधकामासाठी तब्बल ६० लाख रुपयांचा निधी मंजूर झाला असून काम पूर्णत्वास आले आहे.
🎤 मान्यवरांची उपस्थिती
कार्यक्रमाच्या अध्यक्षस्थानी सरपंच सौ. सुषमा सुभाष पाटील होत्या. या रस्त्याचे उद्घाटन नगराध्यक्ष अशोकआण्णा चराटी आणि भाजप नेते जयवंत सुतार यांच्या प्रमुख उपस्थितीत करण्यात आले.
🗣️ “पराभवाने खचणार नाही” – जयवंत सुतार
यावेळी बोलताना जयवंत सुतार म्हणाले,
“निवडणुकीतील पराभवामुळे मी खचणार नाही. जनतेच्या सेवेसाठी आणि गावच्या विकासासाठी मी कायम कटिबद्ध आहे. आमदार शिवाजीराव पाटील यांच्या माध्यमातून पुढील विकासकामेही मार्गी लावली जातील.”
👏 सुतारांच्या कार्याचे कौतुक
नगराध्यक्ष अशोकआण्णा चराटी यांनी सुतार यांच्या कामाचे कौतुक करत सांगितले की,
“तालुक्यातील अनेक गावांमध्ये पाठपुरावा करून मोठ्या प्रमाणात निधी आणण्यात सुतार यशस्वी ठरले आहेत. भविष्यातही गावाच्या विकासासाठी असेच प्रयत्न सुरू राहतील.”
👥 ग्रामस्थांची मोठी उपस्थिती
या सोहळ्याला पंचायत समिती सदस्य समीर पारदे, उपसरपंच चंद्रकांत पाटील, संभाजी सरदेसाई, निवृत्ती शेंडे, सुरेश रेडेकर, सुधीर पाटील, अनिल पाटील, दिलीप पाटील, श्रीपती देसाई, पी.एम. आपगे, गोपाळ भोगण, शहाजी भोसले, विलास मुरुकटे, आनंदराव कातकर, संदीप देसाई, हर्षवर्धन महागावकर, अनिल नाईक, दयानंद बुगडे, अमोल सुतार, ठेकेदार सचिन पवार यांसह ग्रामस्थ मोठ्या संख्येने उपस्थित होते.
कार्यक्रमाचे आभार सुभाष पाटील यांनी मानले.
