१७० लघुपटांमधून ९५ चित्रपट स्पर्धेसाठी पात्र; दीपनगर येथील डॉ. राजेंद्र बावस्कर आणि सारांश राजेश पवार यांच्या निर्मितीला संधी
दीपनगर | प्रतिनिधी :
अखिल भारतीय प्रहार चित्रपट संघटनेच्या वतीने आयोजित करण्यात आलेल्या ‘शिव प्रहार राष्ट्रीय लघुपट स्पर्धा २०२६’ मध्ये दीपनगर येथील ‘भंगार का मोल’ आणि ‘साडेतीन एकर’ या दोन लघुपटांची निवड झाली आहे. या स्पर्धेसाठी देशभरातून एकूण १७० लघुपट प्राप्त झाले होते. त्यापैकी ९५ लघुपट स्पर्धेसाठी पात्र ठरले आहेत. दीपनगर येथील डॉ. राजेंद्र बावस्कर आणि सारांश राजेश पवार यांनी या दोन लघुपटांची निर्मिती केली आहे.
माजी मुख्यमंत्री एकनाथ शिंदे यांच्या कार्यकाळात राबविण्यात आलेल्या विविध योजनांवर आणि त्यांच्या कार्यप्रवासावर आधारित लघुपट या स्पर्धेसाठी मागविण्यात आले होते. यामध्ये लाडकी बहीण योजना, शेतकरी कर्जमाफी, दिव्यांग मंत्रालय, आरोग्य योजना, सत्ता परिवर्तन तसेच सर्वसामान्य व्यक्तीपासून मुख्यमंत्री पदापर्यंतचा एकनाथ शिंदे यांचा प्रवास अशा विषयांचा समावेश होता.
या विषयांवर आधारित १७० लघुपट स्पर्धकांनी पाठविले होते. त्यातून परीक्षणानंतर ९५ लघुपटांची स्पर्धेसाठी निवड करण्यात आली आहे.
या राष्ट्रीय लघुपट स्पर्धेसाठी एकूण १५ लाख रुपयांची पारितोषिके ठेवण्यात आली आहेत. निवड झालेल्या ९५ लघुपटांचा अंतिम निकाल जानेवारी महिन्यात माजी मुख्यमंत्री एकनाथ शिंदे यांच्या उपस्थितीत जाहीर करण्यात येणार आहे.
याशिवाय खुली लघुपट स्पर्धाही आयोजित करण्यात आली असून, दोन्ही स्पर्धांचा एकत्रित पुरस्कार वितरण सोहळा होणार आहे, अशी माहिती स्पर्धेचे प्रमुख संदीप मोहिते पाटील यांनी दिली.
दीपनगर येथील डॉ. राजेंद्र बावस्कर आणि सारांश राजेश पवार यांनी निर्मिती केलेले ‘भंगार का मोल’ आणि ‘साडेतीन एकर’ हे दोन्ही लघुपट स्पर्धेच्या विषयांशी संबंधित असल्याने त्यांची निवड झाली आहे. राष्ट्रीय स्तरावरील स्पर्धेत दीपनगरमधील दोन लघुपटांना स्थान मिळाल्याने जळगाव जिल्ह्याच्या शिरपेचात मानाचा तुरा रोवला गेला आहे. या निवडीमुळे स्थानिक चित्रपट निर्मिती क्षेत्र









