मुलचेरा (प्रतिनिधी):
तालुक्यातील कोठारी ग्रामपंचायत अंतर्गत येणाऱ्या बंदूकपल्ली येथे महाराष्ट्र प्रदेश काँग्रेस कमिटीचे महासचिव तथा माजी जिल्हा परिषद अध्यक्ष डॉ. अजय कंकडालवार यांच्या स्वखर्चातून हनुमान मंदिर उभारण्याचा उपक्रम हाती घेण्यात आला आहे. हनुमान जयंतीच्या पार्श्वभूमीवर मंदिराचे भूमिपूजन उत्साहात पार पडले.
डॉ. अजय कंकडालवार यांच्या हस्ते भूमिपूजन करण्यात आले असून, लवकरच मंदिर बांधकामास सुरुवात होणार आहे. मुलचेरा तालुका दौऱ्यादरम्यान स्थानिक नागरिकांनी मंदिर उभारणीची मागणी केली होती. त्यावेळी शासकीय निधी उपलब्ध होण्यासाठी वेळ लागेल, असे सांगत त्यांनी स्वखर्चातून मंदिर उभारण्याचे आश्वासन दिले होते. त्या आश्वासनाची पूर्तता करत भूमिपूजनाचा सोहळा पार पडला.
या प्रसंगी गावकऱ्यांमध्ये आनंदाचे वातावरण निर्माण झाले असून, नागरिकांनी डॉ. कंकडालवार यांचे आभार मानले.
कार्यक्रमास उपस्थिती :
• काँग्रेस नेते हनुमंतू मडावी
• ग्रामपंचायत सदस्य कालिदास कुसनाके
• प्रमोद गुट्टेवार (तालुका अध्यक्ष)
• अनुप नंदी (उपाध्यक्ष)
• संदीप तोरे, केजिकराव आरके, प्रभाकर मडावी, रणजित आलाम आदी मान्यवर
यावेळी स्थानिक नागरिक, काँग्रेस पदाधिकारी व कार्यकर्ते मोठ्या संख्येने उपस्थित होते. मंदिर उभारणीमुळे परिसरातील धार्मिक आणि सामाजिक वातावरण अधिक बळकट होईल, अशी भावना ग्रामस्थांकडून व्यक्त करण्यात आली.
