मुलचेरा (प्रतिनिधी):
मुलचेरा तालुक्यात अखिल भारतीय आदिवासी विकास परिषदेची नवीन कार्यकारिणी युवा जिल्हाध्यक्ष कुणाल भाऊ कोवे यांच्या मार्गदर्शनाखाली शासकीय विश्रामगृह येथे आयोजित बैठकीत जाहीर करण्यात आली. संघटनेच्या ध्येय-धोरणांना गती देण्यासाठी आणि नेतृत्वात नाविन्य आणण्यासाठी तरुण व अनुभवी सदस्यांचा समावेश असलेली ही नवीन टीम गठित करण्यात आली आहे.
संघटनेच्या वार्षिक सर्वसाधारण सभेत जुन्या कार्यकारिणीचा कार्यकाळ संपल्यानंतर पारदर्शक प्रक्रियेद्वारे नवीन पदाधिकारी व सदस्यांची निवड करण्यात आली. नवीन कार्यकारिणी संघटनेचा विस्तार, युवकांना संधी आणि प्रभावी कार्यपद्धती यावर भर देणार असल्याचे यावेळी सांगण्यात आले.
नवीन कार्यकारिणीची उद्दिष्टे :
• ग्रामीण व शहरी भागात संघटनेचा विस्तार
• युवा नेतृत्वाला प्रोत्साहन
• कामकाजात पारदर्शकता राखणे
• डिजिटल माध्यमातून समाजाशी संपर्क वाढवणे
नवीन कार्यकारिणी सदस्य :
• अध्यक्ष : कालिदास भाऊ कुसनाके
• उपाध्यक्ष : संदिप भाऊ तोरे
• कार्याध्यक्ष : काशीनाथ दादा मडावी
• सहसचिव : राकेश भाऊ मरापे
• संघटक प्रमुख : महेन्द्र भाऊ आत्राम
• महासंपर्क प्रमुख : प्रकाश भाऊ आलाम
• सोशल मीडिया प्रतिनिधी : केजिकराव आरके
नवीन टीमने पदभार स्वीकारताच पुढील सहा महिन्यांसाठी नियोजन केले असून, सभासदांशी थेट संवाद, समस्यांचे त्वरित निवारण आणि विविध सामाजिक उपक्रम राबवण्यावर भर दिला जाणार आहे.
या बैठकीस चामोर्शी तालुका उपाध्यक्ष सुमित कुमरे, एटापल्ली तालुका अध्यक्ष गिरीश झोगे, अरविंद पेंदाम, धनराज आलाम तसेच तालुक्यातील सामाजिक कार्यकर्ते व पदाधिकारी मोठ्या संख्येने उपस्थित होते.
नवीन कार्यकारिणी आपल्या अनुभव आणि कार्यक्षमतेच्या जोरावर संघटनेला प्रगतीच्या नव्या उंचीवर नेईल, असा विश्वास यावेळी व्यक्त करण्यात आला.
