करमाळा (प्रतिनिधी ): शहरातील ‘लिटिल चॅम्प प्री स्कूल’चा वार्षिक स्नेहसंमेलन सोहळा उत्साहपूर्ण वातावरणात दिमाखात पार पडला. लहानग्या विद्यार्थ्यांनी सादर केलेल्या विविध नृत्याविष्कार, कलागुण आणि आकर्षक सादरीकरणांनी उपस्थितांची मने जिंकली.
या कार्यक्रमासाठी तहसीलदार शिल्पाताई ठोकडे, नगराध्यक्ष मोहिनी ताई सावंत, नगरसेवक पप्पू सावंत, मनसे शहराध्यक्ष संजय घोलप, दूध संघ अध्यक्ष संदीप गायकवाड, समाजसेविका अंजली श्रीवास्तव, ग्राहक सेवा अध्यक्ष माधुरी परदेशी, अॅड. सविता शिंदे, अॅड. पद्माळे, अॅड. रागिनी कोंगे यांच्यासह विविध क्षेत्रातील मान्यवर उपस्थित होते.
तसेच शिक्षण, सामाजिक व वैद्यकीय क्षेत्रातील सुनीता देवी (नवभारत इंग्लिश मीडियम स्कूल), दळवी मॅडम (स्नेहालय स्कूल), राजश्री कांबळे (किंडर जॉय प्री स्कूल), विटूकडे मॅडम (विठू कडे क्लासेस), इब्राहिम मुजावर (सनराइज कोचिंग क्लासेस), अश्विनी निकत (ग्लोबल सायन्स कॉलेज), ज्योती मुथा (अबॅकस क्लासेस) यांच्यासह अनेक मान्यवरांची उपस्थिती लाभली.
याशिवाय डॉक्टर कविता कांबळे, डॉ. मंजिरी नेटके, डॉ. जाधव, डॉ. निशा सारंगकर, योगिता पवार, डॉ. कापडे, कापडी मॅडम, नलिनी जाधव, नीलिमा पुंडे, डॉ. अपर्णा भोसले, चंद्रकला मारकड, रूपाली राजेभोसले, शारदा परदेशी, बांगडे मॅडम आदींची उपस्थिती होती.
कार्यक्रम प्रभारी म्हणून मुख्याध्यापक श्रीमती एलिझाबेथ असादे यांनी जबाबदारी सांभाळली. नियोजन व व्यवस्थापन पथकात श्रीमती कोमल चव्हाण व श्रीमती किर्ती पाचकवाडे-डिर्गुळे यांनी उत्कृष्ट कामगिरी केली. नृत्य दिग्दर्शन किर्ती पाचकवाडे-डिर्गुळे यांनी केले, तर सादरीकरण रचना कोमल चव्हाण यांनी प्रभावीपणे साकारली.
सूत्रसंचालन किर्ती पाचकवाडे-डिर्गुळे व कोमल चव्हाण यांनी उत्कृष्टरीत्या पार पाडले. वेशभूषा प्रभारी म्हणून किर्ती राठोड, नाले मॅडम व चित्रा ढाले यांनी काम पाहिले. निमंत्रण व प्रसिद्धीचे काम संकल्प पुराणिक व नागेश चेंडगे यांनी केले, तर बॅकस्टेज व्यवस्था संगीता सूर्यवंशी व चित्रा ढाले यांनी समर्थपणे सांभाळली.
या कार्यक्रमाच्या माध्यमातून विद्यार्थ्यांना आपल्या कलागुणांना व्यासपीठ मिळाले असून उपस्थितांनी कार्यक्रमाचे भरभरून कौतुक केले.
