एरंडोल (प्रतिनिधी) :
द युवा ग्रामीण पत्रकार संघ, महाराष्ट्र राज्य यांच्या वतीने आयोजित ‘महाराष्ट्र गौरव सन्मान 2026’ सोहळ्यात सत्यशोधक समाज संघाचे जिल्हा उपाध्यक्ष तथा समाजभूषण पुरस्कर्ते रवींद्र प्रभाबाई पितांबर महाजन यांना ‘क्रांतीसूर्य महात्मा ज्योतिबा फुले पुरस्काराने’ सन्मानित करण्यात आले.
हा मानाचा पुरस्कार सावता महाराज यांचे १९ वे वंशज तथा हरिभक्त पारायण सावता महाराज वसेकर यांच्या हस्ते प्रदान करण्यात आला. समाजकार्यातील उल्लेखनीय योगदान आणि समाजप्रबोधनाच्या कार्याची दखल घेऊन महाजन यांना हा सन्मान बहाल करण्यात आला.
या कार्यक्रमास पंढरपूर नगरपरिषदेच्या नगराध्यक्ष प्रणिती भालके, पोलीस निरीक्षक दशरथ वाघमोडे, अन्सार शेख, अनिता शिंदे, वनरक्षक अधिकारी अशोक ढाकणे, प्रणव परिचारक, संतोष लांडे, शकील मणियार, रूपाली सावंत, बाळासाहेब पाटोळे, मंगला सासवडे आदी मान्यवर उपस्थित होते.
यावेळी उपस्थित मान्यवरांनी रवींद्र महाजन यांच्या सामाजिक कार्याचे कौतुक करत त्यांना पुढील वाटचालीस शुभेच्छा दिल्या. कार्यक्रमाचे वातावरण उत्साहपूर्ण व प्रेरणादायी होते.
