जुन्या कार्यकर्त्यांचा संघर्ष लक्षात ठेवून एकजुटीने पक्ष संघटन मजबूत करू : शरद लाड
कडेगाव : भारतीय जनता पक्षाच्या 46 व्या वर्धापनदिनानिमित्त सोमवारी कडेगाव येथे उत्साहात कार्यक्रमाचे आयोजन करण्यात आले. उपस्थित मान्यवरांच्या हस्ते भाजपच्या झेंड्याचे ध्वजारोहण करण्यात आले. त्यानंतर भारतमाता, डॉ. श्यामाप्रसाद मुखर्जी आणि पंडित दीनदयाळ उपाध्याय यांच्या प्रतिमांचे पूजन व दीपप्रज्वलन करून कार्यक्रमाची सुरुवात झाली.
यावेळी बोलताना शरद लाड यांनी जुन्या कार्यकर्त्यांचा संघर्ष व त्याग लक्षात ठेवून सर्वांनी एकजुटीने पक्ष संघटन अधिक मजबूत करण्याचे आवाहन केले. भारतीय जनता पक्षाची विचारधारा तळागाळातील कार्यकर्त्यांपर्यंत पोहोचवून पक्ष बळकट करण्यासाठी सर्वांनी सक्रियपणे काम करण्याची गरज असल्याचे त्यांनी सांगितले.
भाजपचे माजी जिल्हाध्यक्ष राजाराम गरुड यांनी पक्षाच्या स्थापनेपासून आजपर्यंतच्या संघर्षमय प्रवासाचा आढावा घेत पक्षाची विचारधारा व कार्यपद्धती याबाबत मार्गदर्शन केले.
महिलांचे सक्ष्मीकरण आणि संघटनामध्ये केंद्र तसेच राज्य शासनाचे विशेष योगदान असल्याचे प्रतिपादन कडेगाव पंचायत समितीच्या माजी सभापती मंदा करांडे यांनी केले.
सदर कार्यक्रमासाठी कडेगाव शहरचे नगराध्यक्ष धनंजय देशमुख, माजी उपनगराध्यक्ष अमोल डांगे, कडेपूर मंडल अध्यक्ष विकास सूर्यवंशी, कडेगाव शहर मंडल अध्यक्ष संदीप गायकवाड, पंचायत समिती सदस्या पूनम माळी यांच्यासह पोपट संकपाळ, जगदीश महाडिक, सुरेश शिंगटे, वैभव पवार, रामचंद्र देशमुख, संभाजी पाटील, संभाजी बाबर आदी मान्यवर व कार्यकर्ते मोठ्या संख्येने उपस्थित होते.
कार्यक्रम उत्साहपूर्ण वातावरणात पार पडला.
कार्यक्रमाचे प्रास्ताविक विशाल मोहिते यांनी केले तर उपस्थितांचे आभार महेंद्र करांडे यांनी मानले.
