देवळी (प्रतिनिधी : प्रमोद मडावी) : वर्धा जिल्ह्यातील देवळी बसस्थानक परिसरात एका वृद्ध महिलेचा भीषण अपघात झाल्याची घटना समोर आली आहे. शकुंतला पाटील (वय 70, रा. नागझरी) या महिला ७ एप्रिल २०२६ रोजी सकाळी सुमारे ११:१७ वाजताच्या दरम्यान देवळी बसस्थानकावर पुलगावकडे जाणाऱ्या बसची प्रतीक्षा करत होत्या.
यावेळी अचानक मागून आलेल्या नागपूर ते यवतमाळ मार्गावरील (बस क्रमांक MH 14 MH 2733) बसच्या चाकाखाली त्यांचा पाय अडकला. या अपघातात बसचे चाक दोन्ही पायांवरून गेल्याने त्यांना अत्यंत गंभीर दुखापत झाली असून दोन्ही पाय गंभीररीत्या जखमी झाले आहेत.
घटनेनंतर तातडीने त्यांना देवळी येथील ग्रामीण रुग्णालयात प्राथमिक उपचारासाठी दाखल करण्यात आले. त्यानंतर पुढील उपचारासाठी त्यांना वर्धा येथे हलविण्यात आले आहे.
या प्रकरणी देवळी पोलिसांनी अपघाताची नोंद करून पुढील तपास सुरू केला आहे.
