पनवेल/कळंबोली( प्रतिनिधी)-
रायगड प्रेस क्लबच्या वतीने दिला जाणारा सामाजिक कार्यकर्ता सन्मान पुरस्कार स्त्री शक्ती फाउंडेशनच्या अध्यक्षा सौ. विजया कदम यांना प्रदान करण्यात आला आहे. हा पुरस्कार सोहळा रायगड प्रेस क्लबचा २१ वा वर्धापन दिन आणि पनवेल महानगर प्रेस क्लबचा प्रथम वर्धापन दिन यांच्या निमित्ताने ८ एप्रिल २०२६ रोजी पनवेल येथील आद्य क्रांतिवीर वासुदेव बळवंत फडके नाट्यगृह येथे संपन्न झाला.
सौ.विजया कदम यांना त्यांच्या स्त्री शक्ती फाउंडेशनच्या माध्यमातून केलेल्या उल्लेखनीय सामाजिक कार्याबद्दल हा गौरव करण्यात आला आहे.विजया कदम या कळंबोली (नवी मुंबई) परिसरातून सामाजिक कार्याचे नेतृत्व करत असून, पर्यावरण आणि महिलांच्या समस्यांवर त्या सातत्याने आपली भूमिका मांडत असतात. विजया कदम यांनी कळंबोली आणि रायगड जिल्ह्यात स्त्री शक्ती फाउंडेशनच्या माध्यमातून महिला सबलीकरण आणि सामाजिक क्षेत्रात उल्लेखनीय कार्य केले आहे.
रायगड प्रेस क्लबचा २१ वा आणि पनवेल महानगर प्रेस क्लबचा १ ला वर्धापन दिन सोहळ्यासाठी प्रमुख उपस्थिती: या सोहळ्याला मत्स्यव्यवसाय व बंदरे विकास मंत्री श्री. नितेश राणे, आमदार श्री. प्रवीण दरेकर, अखिल भारतीय मराठी पत्रकार परिषदेचे मुख्य विश्वस्त श्री. एस. एम. देशमुख, मराठी पत्रकार परिषदेचे महाराष्ट्र अध्यक्ष श्री. मिलिंद अष्टिवकर आणि झी २४ तासचे संपादक श्री. कमलेश सुतार उपस्थित होते.
या प्रसंगी बोलताना मान्यवरांनी पत्रकारांच्या सामाजिक बांधिलकीचे आणि विविध क्षेत्रांतील समाजसेवकांच्या योगदानाचे कौतुक केले.
