धारूर पोलिसांची झटपट कारवाई! जबरी चोरीचा गुन्हा अवघ्या दीड तासात उघड – दोन आरोपी जेरबंद

किल्ले धारूर (प्रतिनिधी)
धारूर : पोलीस स्टेशन धारूर येथे दाखल जबरी चोरी गुन्हा क्रमांक 130/2026 (कलम 309(4),(6) BNS) प्रकरणात धारूर पोलिसांनी अत्यंत वेगाने कारवाई करत अवघ्या दीड तासात गुन्ह्याचा छडा लावला आहे. या प्रकरणात दोन आरोपींना अटक करण्यात आली आहे.

अटक करण्यात आलेल्या आरोपींमध्ये मनोज ऊर्फ सोन्या चंद्रकांत घोळवे (वय 19, रा. आंबे वडगाव) व सुमित प्रमोद कंगने (वय 19, रा. धूनकवाड, ता. धारूर) यांचा समावेश आहे..

पोलिसांनी आरोपींकडून चोरीस गेलेला सुमारे 68,030 रुपयांचा विविध रंगांचे डबे असा मुद्देमाल मेमोरंडम पंचनामा करून जप्त केला आहे. तसेच गुन्ह्यात वापरलेली मारुती 800 कार, एअर गन, चाकू, कोयता आणि मास्कही जप्त करण्यात आले आहेत.

या प्रकरणातील उर्वरित आरोपींचा शोध सुरू असून अटक आरोपींचा पीसीआर घेऊन आणखी गुन्हे उघडकीस आणण्याचा पोलिसांचा प्रयत्न सुरू आहे.