मानवत जि.परभणी येथे महाराष्ट्र राज्याच्या क्रीडा क्षेत्रात मानाचे स्थान असलेल्या राज्यमंत्री केसरी कुस्ती स्पर्धेचे आयोजन मोठ्या उत्साहात करण्यात आले आहे. ही स्पर्धा राज्याच्या क्रीडाप्रेमींसाठी आकर्षण ठरणार असून यंदा तब्बल ४५ कुस्त्यांचे भव्य मैदान रंगणार आहे.
ही स्पर्धा राज्यमंत्री सौ. मेघना दिदी साकोरे-बोर्डीकर यांच्या वाढदिवसानिमित्त आयोजित करण्यात आली असून विविध मान्यवरांच्या उपस्थितीत कार्यक्रम पार पडणार आहे. स्पर्धेत राज्यभरातील नामांकित मल्ल सहभागी होणार असून प्रमुख लढतींसाठी मोठ्या बक्षिसांची घोषणा करण्यात आली आहे.
स्पर्धेतील प्रमुख आकर्षण ठरणाऱ्या अंतिम कुस्तीत विजेत्यास चांदीची गदा व रोख पारितोषिक देण्यात येणार आहे. तसेच इतर अनेक गटांमध्येही विविध कुस्त्या होणार असून विजेत्या मल्लांना रोख रक्कम व सन्मानचिन्ह देण्यात येणार आहे.
ही भव्य कुस्ती स्पर्धा दि. १२ एप्रिल २०२६ (रविवार) रोजी सायं. ४ वाजता आयोजित करण्यात आली आहे. कार्यक्रमाचे ठिकाण नेताजी सुभाष विद्यालय (मैदान), मानवत, ता. मानवत, जि. परभणी असे आहे.
या स्पर्धेसाठी नागरिकांनी मोठ्या संख्येने उपस्थित राहून कुस्तीचा आनंद घ्यावा, असे आवाहन आयोजकांकडून करण्यात आले आहे.
