2650 मेट्रिक टन खताची आवक; प्रशासनाकडून पारदर्शक वितरणावर भर
यावल (प्रतिनिधी) : फिरोज तडवी
खरीप हंगाम 2026 च्या पार्श्वभूमीवर शेतकऱ्यांना वेळेत आणि पुरेशा प्रमाणात रासायनिक खतांचा पुरवठा मिळावा यासाठी जिल्हा प्रशासनाने नियोजनाला गती दिली असून, जळगाव जिल्ह्यात युरिया खतांचा पहिला रॅक दाखल झाला आहे.
या रॅकमधून जिल्ह्यासाठी एकूण 2650 मेट्रिक टन युरिया खताची आवक झाली असून हा पुरवठा राष्ट्रीय केमिकल्स अँड फर्टिलायझर्स लिमिटेड (आरसीएफ) कंपनीमार्फत करण्यात आला आहे.
दरम्यान, जिल्हाधिकारी रोहन घुगे यांनी प्रत्यक्ष भेट देऊन खत साठ्याची पाहणी केली. त्यांनी कंपनी प्रतिनिधी, वाहतूकदार आणि हमाल प्रतिनिधींशी संवाद साधत उतरवणूक व वितरण प्रक्रियेचा सविस्तर आढावा घेतला.
खत वितरणात कोणतीही अनियमितता होऊ नये यासाठी प्रशासनाने कडक भूमिका घेतली आहे. सर्व विक्रेत्यांनी खतांची विक्री रिअल-टाईम सेल प्रणाली तसेच आधार संलग्न यंत्रणेद्वारेच करावी, असे स्पष्ट निर्देश जिल्हाधिकाऱ्यांनी दिले.
तसेच साठवणूक, वाहतूक आणि विक्री प्रक्रियेत पारदर्शकता राखण्याच्या सूचना देत, शेतकऱ्यांना रास्त दरात व पुरेशा प्रमाणात खत उपलब्ध करून देण्यावर प्रशासनाचा भर असल्याचे त्यांनी नमूद केले.
खरीप हंगाम जवळ येत असताना जिल्हा प्रशासनाकडून खत पुरवठ्याबाबत सातत्याने पाठपुरावा सुरू असून, यामुळे शेतकऱ्यांना मोठा दिलासा मिळण्याची अपेक्षा व्यक्त होत
